الغضاضه

[عذب القوافي]

الغلاضه

التكّبروالتـغـطّـرس كــــل أبــونــا بـعـتـراضـه=والطويـلـه مايـجـي لــه كــود رجّــال ٍ فــزوع
والردي مهما تمادى شخص بيّن في إنخفاضه=والمنافـق قلـبـه أســود لــو تصـنّـع بالـركـوع
والكريم بوجه منـور بـدر واضـح فـي بياضـه=والبخيـل يعيـش ذلـه يملـك ومــع ذا يـجـوع !
والبشر لابد تآخـذ مـن عنـاء الوقـت المعاظـه=والكـراء تتـعـب مواتركـيـف رجـلـك بالطـلـوع
وش طعن قلب اليهودي غيـر فعـل الأنتفاضـه=الحصـاه تـصـد وحــده المجـنـزر يــوم يـفـوع
من مسح دمع الفقارى مايوصّف بالغلاضـه=مـدة إيــده فــي يديـهـم مـاحـلا ذيــك الطـبـوع
يابشـرقـلـت مـراجــل وينـهـارغـم افـتـراضــه=والنـذالـه لــه عمـالـه بيّـنـه فـــي كـــل نـــوع
الحقيقـه ضـاق لبسـه عقـب لبسـه للفضاضـه=والتحـايـل لـيـل طـايـل والـنـذل مـالـه رجــوع
يادواتـي ترجمـي لـي مصطلـح إسمـه رياضـه=فـــن حـامــل للتـعـامـل كالـثـلاثـاء والـربــوع

تقديري للجميع
21/12/1428هـ

[ابومياس]

عبدالكريم بن خزيم

نص راقي وهادف

ليس بغريب عليك جمال الحرف

وجزالة المعنى

صح لسانك ودام حرفك

دمت بخير

[الطامي]

ابن خزيم
ماقول الا بيض الله وجهك
وصح السانك
ابيات جزلة من جزل

[علي محمد العتيبي]

يادواتي ترجمـي لـي مصطلـح إسمـه رياضـه
فـــن حـامــل للتـعـامـل كـالـثـلاثـاء والــربــوع



لله درك يابن خزيم

قصيده كايفه

وابيات شامخه

صح لسانك لين ترضى


اعجابي واحترامي

[سناعيس]

صح لسانك ياعبدالكريم
دائما تتحفنا بجزيل القصيد
لله درك

تحياتي

[حي الضمير]

الشاعرل المميزعبدالكريم بن خزيم صح لسانك
جزلة من راس جزل ومعاني جميلة

عبدالكريم بن خزيم
عافاك الله على هالابيات الرائعه
صح لسانك وعلا شانك
تقبل مروري وتحياتي

[ماجد المهدي]

صح لسانك يا الغالي

قصيدة جميله وتحمل معاني رائعة

لا هنت

تحياتي

عبدالكريم بن خزيم
صح السانك
نص فلسفي من الدرجه الاولي لشاعر جميل في شعره
نص نتأمله ولا نمل منه لانه عذب فيه حقيقيه
عبدالكريم شاعر لا يهدينا سوى قصائد فاخر ونحن هنا لكي نستمتع بهذا المتصفح
تسجيل مرور واعجاب ومتابعه

[الخنساء]

صح لسانك اخي الشاعر عبد الكريم
لاهان راسك قصيدة رااائعة
سلمت وسلم شعرك
دمت بخير