قل للنشاما كلهم...

[عبدالله الشويمان]

قصيده موجهه الى الاعزاء بمدينة (دخنة).

قل للنشاما كلهم

وصِّل سلامي يا عميل الخير تكفا وصِّله=للي خزاز مظلِّلٍ موطنهم اقبيل الغروب
الديره اللي بالنِّشاما كامله ومكمله=بافخاذ حرب اهل الكرم والجود في كل الضروب
ياما قضيت اوقات فيها اسعيدةٍ ومجمله=مع ربعة منهم وشفت الاصل في طيب القلوب
هم صورةٍ لأهل الكرم فيها الدليل ايدل له=جزل الضيافة والوفا عادة ولا يمكن تذوب
امضيت فيها من السنين ثلاث هل مهلله=ما ضاق معهم خاطري وبالحب انا لهم امحبوب
ما اخص منهم واحدٍ بالطيب وغيره اجهله=الكل منهم وافيٍ ولا شفت انا منهم لغوب
وصل سلامي للبهيمات ابحمول محمله=عبدالله وكل اخوته اللي صخاهم له لهوب
وصل سلامي حمود ابن اعبيد راع الاوله=اللي عضدني فالمواقف ما تركني بالدروب
وصل سلامي اعبيِّد ابن معيبد الرجل الوله=الباسم بوجه الرفيق اللي على الدله شبوب
وصل سلامي محمد السمري وصالح موله=وولادهم واولادهم والاصل مطرانٍ عروب
وصل سلامي لجملة الديره واهلها مجمله=اللي عرفته والذي ما هب لي معهم هبوب
وصِّل ثناي امع احترام الكل حيلٍ وصله=شكرٍ جزيلٍ من طلوع الشمس لي وقت الغروب
وقل للنشاما كلهم النفس إلهم شايله=حب ومعزَّه مع غلا والله علاَّم الغيوب

عبدالله الشويمان-الرعد 22/4/1426 هــ .

[حي الضمير]

الشاعر الكبير عبدالله الشويمان صح لساااانك مدد ولايكفون
على هالقصيده الجزله والوافيه والحقيقه انت كريم وهم يستاهلون
وسجل الاعجاب والتقدير الدائم يابوبدر

[مبروك بن ماضي]

صح لسانك مليون ولايكفون
كعادتك شاعرنا القدير/ عبدالله الشويمان
الابدااااااااااااااااااااع :
ولا غير الابداع أجده في هذا النص
وكل نصوصك الشعرية الجميله
سجل إعجابي الشديد
وتفضل بقبول تحياتي
كما هي لهم
أخوكم / بن ماضي

[الصريح العتيبي]

الاستاذ الشاعر/عبدالله
صح لسانك واعتلى شانك
جزله من شاعر جزل
واللي ماله ماله تاليه
دمت بخير حال

[نجم الإبداع]

صح لسانك يابو بدر

وونعم بك وبمن ذكرت

لاهنت

تقبل مروري

وودي

[داعي الشوق]

صح لسانك يالرعد

والنعم بأهل الطيب والفعول الطيبه

وتسلم يا بن شويمان على رد الجميل لأهله ،

ما يقدّر الطيبين إلا الطيبين

صح لسانك مع التحية والتقدير ،،،

[ســُلاف]

الطيب يستاهل المدح والمداح اطيب إن شاء الله
والنعم في حرب وجميع القبايل
عبدالله صح لسانك وريح الله بالك

	مستشارنا العزيز عبدالله الشويمان صـــح الســانك واعتــــلا شــــانك لك مني كل التقدير والتحايا والاحترام@@@ أختك/بدرالوفى

[محمد عبدالله البدراني]

العزيز الغالي اخي الاكبر عبدالله الشويمان سلمه الله

الف الف مليون صح السانك وعلا شانك يابو بدر

وافي ومن وافين وهذا من طيب اصلك

ومن يحفظ الوفاء في هالوقت الا قلة نادره انت منهم بيض الله وجهك ولاعدمناك


تحياتي
مع اسمى ايات الشكر والامتنان فائق الاحترام واطيب المنى رعاك الاله

[صوت الإحساس]

بيض الله وجهك


يا أبا بدر


وصح لسانك حتى ترضى



صادق الود يالوافي