بعض الحلا توهيق

[ابو أنس]

وهذه أبيات ليس لها هنا مقدمة سابقه
ولكني قلتها في معرض الرد على بعض المداخلات لأحدى قصائدي
أوردها لمناسبتها هنا

جيت الدكاتر قالو لـي=ان السكر فيك زيـاده
قلت احمدالله عطونـي=تقرير(ن) من ذا العياده
ابا جيبـه لام عيالـي=واقول اخذي ها الشهاده
واتبختـر واتمنـظـر=واظبط عقالي كالعـاده
قالت لي اثرك كبرتـا=صعبت عليـك القيـاده
رجعت بخاطر مكسور=وادفن همي في الوساده

[ابو زياد]

اجل منخدع فيه يابوانس
الله يضحك سنك
وصح لسانك وعافك من زود الحلا

[سناعيس]

ولا يهمك يابو ِأنس
لاكبرتا ولاشيء
والسكر كل الناس فيهم سكر ودواه في يد راعيه
ماتشوف مكروه


تحياتي

[ابو أنس]

المشاركة الأصلية كتبت بواسطة ابو زياد

اجل منخدع فيه يابوانس
الله يضحك سنك
وصح لسانك وعافك من زود الحلا

أبو زياد...............

وش درّاني قالوا سكر =وانا اخبر السكر زين
نركض نحشاه بمخبانا=عن اهلنا متخبين
ونحطه بالشاهي زايد=يبعد عنه الطعم الشين
وريق العذارا ياصاحب=طعمه سكر وش يدرين
لكنّه يوم انه جالي=اصبح بي نشبه محقين

عافاك الله من كل مكروه
ولك الشكر

[نجم الإبداع]

ابو انس

سلامات والله اخوي وتراه صار عادي عند كل الناس

عليك بجبال فيفا

هههههههههههه

اسأل الله العلي العظيم ان يشفيك وجميع المسلمين

قلبي معاك


تحياتي واحترامي

[منيع]

سلامات يابوانس
اشوف شعرك حلو
الا ماتلاحظون ان اغلب الشعراء يصابون بهذا الداء اللعين
تدرون ليه لاانهم يحبون ؟؟؟؟؟ من الاثنين

[أصالة تميم]

سلامتك يا أبو أنس وما تشوف شر

ولا يهمك الشباب شباب القلب

[ابو أنس]

المشاركة الأصلية كتبت بواسطة سناعيس

ولا يهمك يابو ِأنس
لاكبرتا ولاشيء
والسكر كل الناس فيهم سكر ودواه في يد راعيه
ماتشوف مكروه


تحياتي

ايديني ماخلت شي=لبست قفاز وكلبشه
وبطيني دايم يصوي=لاشاف النعمه منتفشه
أصد ودمعي يجري=والسعبوله ملا الخشه:
اقول اني من بدري=أكلت ونفسي محتفشه
آخذ معهم قطرة مي=ويزيد السكر في نجشه

[ابو أنس]

المشاركة الأصلية كتبت بواسطة فلاح بن منشار

ابو انس

سلامات والله اخوي وتراه صار عادي عند كل الناس

عليك بجبال فيفا

هههههههههههه

اسأل الله العلي العظيم ان يشفيك وجميع المسلمين

قلبي معاك


تحياتي واحترامي

مشيت أميال واميال=بنعال وبدون نعال
ومن لقاني يمي مال=يقول اركب يارجال
وش بك كنك بك هبال=تركض بلا عقال وشال
ان كان موفر فلوسك=والا الموتر مع عيال
هيا آمرنا في الحال=حنا لك ربع(ن) ورجال

[ابو أنس]

المشاركة الأصلية كتبت بواسطة منيع

سلامات يابوانس
اشوف شعرك حلو
الا ماتلاحظون ان اغلب الشعراء يصابون بهذا الداء اللعين
تدرون ليه لاانهم يحبون ؟؟؟؟؟ من الاثنين

الشاعر همه همين=هم(ن) اصلي واحتياطي
في نفسه والبزارين=والجو اللي به قد حاطي
والشاعر لو هو رزين=قلبه ضعيف(ن) وخراطي
لاشاف الوجه الحسين=يصبح قليل انضباطي