كل يتمنى شوفة عياله رجال

[الطائر المهاجر]

كل يتمنى شوفة عياله رجال = يفخر بهم بين الأهل والقرايب
يبذل جهوده بالرعايه والاموال= ويحمي حماهم من سموم ولهايب
وبالنصح والتوجيه في كل الاحوال= يحرص عليهم ما يدوسوا معايب
مثلي ومثلك يحلم بحلم لو طال= ولا من صحى ماشاف غير العجايب
احدٍ هداه الله طلع خوش رجال= واحد طلع من جنبها جدار عايب
بالرغم من جهدك تلاقيه قد مال= وكل يوم له شله وربع وحبايب
يهمل بدرسه دايم الدوم بطال= ومهما دفعته للشغل جاك خايب
همه ببطنه لاطموحٍ ولا آمال = يدربي براسه بين غيم وسحايب
ويمكن يصل خمسه وعشرين بهبال= ميّت ضمير ولا احتزم للنوايب
ان كان سيّبته على مايل الجال= يروح عمره ما جنى للكسايب
عاله عليك ولو تحملت الاحمال= تضعف مع الايام لاصرت شايب
ويستضعفك ماعاد يسمع لك القال= وتلقى على اسبابه كثير المصايب
مثله يبي له حزم في كل الاحوال= وان ما قدرته بعد فعل السبايب
شطب عليه ولايجي لك على بال= ولا تاخذك رحمة ذوات الذوايب
اما رجع لك رجل في قول وافعال= وإلا جدارٍ طاح مادام عايب
وان كان جوزته فلا تضمن الحال= يمكن على غيره تصير التبايب
مايترك الماضي ولو عنده عيال= لو صار حاضر جسم فالعقل غايب
لا صار هذا قدوه لقادم اجيال = فالبيت كله في وجيه الهبايب
فالأم لو ترسي مثل شمخ الجبال= تشوف مالا تحتمله الركايب
والبعض منهن تسكت لرخي الحبال= فالرجل مقلع والوضع دوم سايب
ولوهي شريفه ماتفكر بالاطفال= دوّاجة بالسوق تشري الأطايب
ما تستقر وبيتها دوم باهمال= ودايم تنقل بين اهل وصحايب
فبيتٍ تقطع بالمشاكل إلى اوصال= وش ترتجي ينتج سوى جيل خايب
ما يلتفت له لا عمامٍ ولا اخوال= في وقت كلٍ يشتكي من مصايب

[عدنان كريزم]

فبيتٍ تقطع بالمشاكل إلى اوصـال

وش ترتجي ينتج سوى جيل خايب

ما يلتفت له لا عمـامٍ ولا اخـوال

في وقت كلٍ يشتكي مـن مصايـب

============================== ====

يسعدني اول من يرد عليك


اشهد بالله انك جزل وبحر ما شاء الله تبارك الرحمان

موضوع بطل وقصيده بطله


صح لسانك ولا هنت

[الطامي]

الطائر
صح الاسنك مليار
وكلام جميل جدا
وفيه من النصح الجميل
لاهنت

[الطائر المهاجر]

شكرا أخي فريد
على كريم الحضور والتفاعل
لاهنت
تحياتي

[الـزلـزال]

احدٍ هداه الله طلع خـوش رجـال=واحد طلع من جنبها جدار عايـب
بالرغم من جهدك تلاقيه قـد مـال=وكل يوم له شله وربـع وحبايـب

الطائر المهاجر
قصيده إجتماعيه فيها الكثير من الحكم
أختلطت بالجزاله وتصاحبت مع رجاحه عقل شاعرها
متميز وراقي طائرنا في كل ماتقدمه
ليس لنا إلا أن نقول
حلق طائرنا ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري

[همس الورد]

صح لسااااااانك

و صح بدنك

بووووووووح رائع

و احساااااااااس عال

تحياتي و تقديري

يا دكتوووور

[طلال سويعد]

بيض الله وجهك
وصح لسانك مدد
تحياااااااااااااااااااتي

[نفحات حساسة]

صح السانك يالطائر
ولاهنت ..

[منيع]

ماشاء الله
نطق لقمان على لسانك
ابيات رائعه ومميزه
تحياتي وتقديري

[نفحات حساسة]

رائعه يالطائر ..لاهنت
تستحق العوده
تحياتى..