يا ويل روحي

[عبدالعزيز العقيدي]

يا ويل روحي من شقى غربالها =***همي بصدري والفواد يثور
دنيا رمتي في عظيم أوحالها =***الأيام تجري والزمان يدور
وين الليالي اللي سحرني بدرها=*** ظلام دامس بعد ذاك النور
حتى العيون اللي أسرني رمشها=***عيت تبرق بي وأنا مأسور
وين أبتسامة شفتين وتغرها =***اللي بها الجيوان دور ودور
وين اللطافة والكلام وصوتها =***صوت الندم في بحة المقهور
ما كان بالخاطر يدور فراقها= ***ولاني على هجرانها مجبور
لا غير كلمة وبحماقة قلتها =***هزت عروش وزلزلت القصور
بلحظة مداين عشقنا دمرتها= ***أضحت صحارى قاحلات بور
كأني بأهل مدين وجل مصابها=***الفكر شارد وخاطري مكسور
عايش على ذكرى جميله بعدها =***خيال طيف بضامري محفور
كأن العمر اللي مضى لي قربها =***حلمٍ وخطف ع النايم المذعور

[منيع]

ياسلام عليك
ابداع وتميز
تسلم وبارك الله فيكم
تحياتي وتقديري

[نجم الإبداع]

صح لسانك ياعبدالعزيز

مصافحه راقيه

لاهنت

تقبل مروري

وتقديري

[عدنان كريزم]

صح لسانك يالغالي


ولا هنت



تحيتي لك

[الطامي]

العقيدي
صح السانك وبنانك
جزلة ووافيه
لاهنت

[احمد الكثيري]

دنيا رمتي في عظيم أوحالها
سلمت وبارك الله فيك
اقتبست هذا البيت لان فيه حرف سطق منك سهواً
دنيا رمتني في عظيم اوحالها

[الأموره]

العقيدي ...~

صح لسـآنك ملايين يخوي

سلمت و سلم فكرك

هطول جميل تبارك الرحمن ..~

ألف شكر لك . .~

دمت برعاية الخالق ..~

[الـزلـزال]

عبدالعزيز العقيدي
بوح رائع ومميز
من شاعر رائع ومتميز في كل مايقدمه
أبدعت شاعرنا وامتعت
رعاك الله
صح لسانك ملايين ملايين
ولك فائق تحياتي وتقديري

[سناعيس]

عبدالعزيز العقيدي
صح لسانك وبيض الله وجهك
جزله من شاعر جزل
لاهنت


تحياتي

[حي الضمير]

صح لسانك شاعرنا الرائع العقيدي
قصيده رائعه وابدعت يامميز
أجزل التحايا والاحترام