وان بغيت اقولها امنعتني الشايمه ؟

[الطامي]

تل قلبي تل جمسٍ يحدونه خفر = سايقه مطنوخ راسٍ وحمله ضايمه
حدته حجات الانذال واعلومٍ قهر= وقال هاذي مرة وما الليالي بدايمه
والخوي اللي بجنبه على ضيم وصبر = الفقر حده على الشين ماني لايمه
بالثلاثه داعسٍ له مع الدرب الوعر= مايهمه ضربهم له تحدت دعايمه
ذب له مع صفح عرقٍ واوشك بالخطر = واردفه باثنين والروح منه سايمه
هف كنه شاربٍ له نبيذٍ ثم سكر= والجلد قدام عينه زادت عزايمه
يوم وكد بالسلامه وعداه الخطر = وقف يشيك على العفش وش علايمه
شاف بنزينه كما السيل لامنه انحدر= ناشته طلقات رشاش ماجت هايمه
ون من اقصى ضميره وررد وانثبر= والخوي انهار ماتتبعه قوايمه
والديار قفار مافيه بدو ولا حضر = وكنة الجوزا عليهم سمومٍ قايمه
ونتي مثله اذا راح مسعف وانعثر = وجر وناته من القلب بروح هايمه
من هموم وسط قلبي تولع به سعر = تختلف في وردها كنها متزايمه
لابغيت اكنها غليها فيني طفر = وان بغيت اقولها امنعتني الشايمه

[منيع]

ياسلام عليك
الله يهونها عليكم
لقد حلقت بنا بعيدا في عالم المطاردة الذي اتقنت تصويره الله يستر هههههههه
شكرا لك ولروعة بيانك
تحياتي وتقديري

[داعي الشوق]

صح لسانك يالطامي

شاعر جزل و معروف

و الله يصلح الحال و انا خوك

و سلامتك من الونات

تقديري لك مع التحية

و لاهنت
،،،،،،،،،،،،،

[الطامي]

منيع
صح بدنك
وشكرا لمرورك وتعليقك
لاهنت

[الطامي]

داعي الشوق
صح بدنك
وشكرا لمرورك وتعليقك
لاهنت

[شجون القصيد]

الله الله

نص جميل .. وبوووح رااائع .. ووصف ولا بالخيال

سلسلسهـ جزله.. راااائعه برغم الالم

إبداع يتجدد هنا و ما أروعه من إبداااع

صح لسانك مليوووون ولا يوفوووون

وأدام الله لنا ولك هذا التواجد المزهر

ولك التحية والتقدير

[الطامي]

شجون
صح بدنكش
وشكرا لمرورش وتعليقش الأجمل
لاهنتي اختي

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[الطامي]

الطائر
صح بدنك
وشكرا لمرورك وتعليقك
لاهنت

[نفحات حساسة]

[color=darkred]

لابغيت اكنهـا غليهـا فينـي طفـر

[/color]

وان بغيت اقولها امنعتنـي الشايمـه

صح السانك..ولاهنت منصور

رائعه..سلمت وسلم فكرك

تقبل مرورى..ولك تحياتى.