دون ساعي بريد

[ناصر عبيد الهواوي]

ماقلته امس الجليسك عنه دوك الردود=خذها مناول بكفك دون ساعي بريد
بعض الحكي نقص يا رجال مافيه زود=ياشين جز عن عروض الخلق وش تستفيد
في شعب خيبان اقمت ومعه ترقى سنود=يكفيك ما فات من زلات لا تستزيد
وانا احمد اللي وهب ماني لفضله جحود=عندي تميز وفاء مالي تميز رصيد
اكافي الطيبين بطيب واحيان ازود=ويومٍ يجيني ضيوف اعد هاليوم عيد
ولي في ميادين نعم الرجل دايم وجود=ولا ادخل ميادين بيس الشخص وابعد بعيد
وان شفت في سوق(حي الضيف)حاصل ركود=حركت سوق ارحبوا واسوم قلّط وازيد
والى غلط صاحبي عن غلطته بي برود=ولا افطن لها كانها جت من ضعيف وبليد
والكلمة اللي تقال ولا عليها شهود=تحط من قيمة الرجال ماهي تزيد
وشرواك ما اخاطبه لكن خايف تعود=وابليس ما زال حي وله قبيلٍ مريد

[ترانيم المطر]

لله درك ولا هنت

لقد إستمتعت بقراءتها

دمت ودام تميزك

تقبل تحيتي وتقديري

[عبدالعزيز البليهد]

عزالله كفو

صح لسانك ولاهنت

[عبدالعزيز ابراهيم المنصور]

مبدع يالهواوي ودائمًا ماتطربنا بكلماتك سلمت ودام نبضك ولا فض فوك دمت بخير

[عيدالماجد]

[rainbow]صح لسانك تقبل تحياااااتي[/rainbow]

[الطائر المهاجر]

صح لسانك
ولا هنت
جزلة من راس جزل وشاعر فحل
تحياتي

[نجم الإبداع]

ارحب يابو عبيد

وصح لسانك على المصافحه الجزله

لاهنت

تقبل مروري

وتقديري

[زهرة اللوتس]

صح لسانك
ولاهنت
يعطيك العافية
تحياتي

[عبدالله مذكر العقيلي]

صح لسانك

وعلاشانك

ولاهان راسك


تحيتي

[داعي الشوق]

كفو كفو يا بو عبيد

قول و فعل يالأمير

و صح لسانك ملايييييين

شاعر مبدع و ممتع للقاري و المستمع

لله درررررررررك

مع تقديري لك و احترامي

،،،،،،،،،،،،،،،