الا يارفيقي

[الطامي]

الا يارفيقي هرجتك مالها ماجوب = ياكون التي في حلها صادق فيها
وهرج على غير السنع دايم مكذوب = ولو يعجب الحضار تنقد بتاليها
حلاة الفتى شخصه وعلمه يجي محبوب = ماهي كلمة يقال فيها ومافيها
ولا كل علم ينذكر والحكي محسوب = وكم كلمة جابت شرور لراعيها
ولاكل علم لاذكرته يجي مرغوب = كثير العلوم تضيع من ضيع راويها
وصمت الرجل حكمه ولا يقتفيه عيوب = ياكون بروايه صادق يوم يلقيها
ولايعترض للناس من كل حدب وصوب = كثير الكلام الهمج يحوس صافيها
يعيش الفتى ماقيل منه شذب عرقوب = ربيع النشاما هرجته يوم يبديها
السان الرجل ميزان قوله وهو المطلوب = وكلمه يخفيها والاخرى يبدِيها
والا يالسنافي ودنا مزحكم باسلوب = تحرى صحيح القول واقوال تعفيها

[عبدالله الشويمان]

صح السانك يا ابو محمد

قصيده رائعه وفيها الحكمه الطيبه

دمت بخير وصحه وسلامه ولا هنت

[الطامي]

هلا الشويمان
صح بدنك
وشكرا لمرورك
لاهنت

[منيع]

كلام طيب وفي محلة
تسلم ياالطامي
تحياتي لكم

[عبدالعزيز العمار]

الطامي

صح لسانك ولاهنت

جزله من جزل

كل عام وانت بخير

تحياتي لك

[عمر ال شيبي]

صدقت بكل ما قلت
وصح لسانك لا هنت

[داعي الشوق]

صح لسانك مليووووووووووون يا بو محمد

ولاهنت يالشاعر

مع تقديري لك

**************

[نجم الإبداع]

الله الله

صح لسانك يابو محمد

مصافحه وافيه من وافي

لاهنت

تقبل مروري

وتقديري

[الراقي]

صح لسانك على هذا الهطول باابداعك وجمال فنونك

[الطامي]

منيع
صح بدنك
وشكرا لمرورك
لاهنت