جرح الرفيق

[روح الشعر]

يامعاذ الجرح لا جاك من شخص(ن) غريب=ياخذك هم(ن) صعيب(ن) على قلبك دواه
وش سواتك لا جرى من ورا شخص(ن) قريب=والله ان جرحك نزيفه يضل لاخر حياه
كنك اللي بالخناجر غدا ظهره صويب= تاركينه للمواجع تناهش في حشاه
ياخذك عمرك تعالج بقا جرح(ن) عطيب= ان شفا ولا على خالقك ربك شفاه
يزعجك ذيب(ن) بصدرك زهق كثر القنيب=طال في صوته ومحد(ن) سمع جررة عواه
يامعاذ الصاحب اللي جرح قلب الصحيب=والله ان فرقاه خير(ن) على حزة لقاه
النذل لا تاخذه عزوتك مسرع تشيب=يتركك في ضيقتك وانت في حاجة وفاه
والردي لا تقربه والله ان قربه يعيب= ياخذه عمره وتظهر رديه من رداه
وترك اللي من كلام الردى ثغره يجيب=يعجبك لامن سكت ون حكى كذبن حكاه
جاهل(ن) معنى جزا من فعل طيبن بطيب=مايعرف الطيب ارضه ولا يعرف سماه
يامعاذ ان صادفك بالرفاقه بالنصيب=واحدن ارخص سنينه على كلمة شفاه
احسبه رجلن بخوة قبيله ماتخيب=ان حمولك خانتك شالتك خيرة يداه
رافعن علمه عن النازله وادي شعيب=مارضى بطويق منزل ولانجم(ن) كفاه
فزعته لامن فزع من حما فزعات ذيب=ان وصله بالردى درب ما قدم خطاه
ان جروحك ضامتك صار لجروحك طبيب= ون ملا صدرك كدر وارد افراحك شراه
لو بغى روحي فدا قلتله تامر وجيب=والله انه لو بغى ما عيوني لا عطاه

تحيتي

ماجد بن محمد

[الطائر المهاجر]

صح لسانك مدد بلا عدد
تعجز حروفي عن وصف روعة ابداعك
سلمت وصح فكرك
ودي وتقديري

[حمود السكراني]

صح لسانك مبدع يالغلا كتبت فأجزلت سلم بوحك

[عبدالعزيز العمار]

صح لسانك ياماجد

هطول شعري فاخر أبدعت بصياغته

لاهنت ولاهان فكرك الجياش

تحياتي لك

[روح الشعر]

المشاركة الأصلية كتبت بواسطة الطائر المهاجر

صح لسانك مدد بلا عدد
تعجز حروفي عن وصف روعة ابداعك
سلمت وصح فكرك
ودي وتقديري

صح بدنك يابعدي

شهادة اعتز فيها طال عمرك

اشكرك
تحيتي

[روح الشعر]

المشاركة الأصلية كتبت بواسطة بعيد المدى

صح لسانك مبدع يالغلا كتبت فأجزلت سلم بوحك

سلمت ولاهنت على مرورك

[روح الشعر]

المشاركة الأصلية كتبت بواسطة عبدالعزيز العمار

صح لسانك ياماجد

هطول شعري فاخر أبدعت بصياغته

لاهنت ولاهان فكرك الجياش

تحياتي لك

الله يسلمك يابعدي وصح بدنك

لا هنت عـــــــلــــــي مرورك

[داعي الشوق]

الله الله يا بو محمد

وش هالزين و القصيدة الجزله

ما شالله عليك

وافيه وجزله من شاعر وافي وجزل

صح لسانك ملايين

ولاهنت يا مبدع

مع تحيتي لك

[روح الشعر]

المشاركة الأصلية كتبت بواسطة داعي الشوق

الله الله يا بو محمد

وش هالزين و القصيدة الجزله

ما شالله عليك

وافيه وجزله من شاعر وافي وجزل

صح لسانك ملايين

ولاهنت يا مبدع

مع تحيتي لك

الله يسلمك يابعدي

وافي ياسعود

لاهنت على مرورك

[كاتم الأحزان]

صح لسانك وفكرك
ولاهان راسك
جزله من جزل
تحياتي وودي