جوّنا هادي وناداني اليراع

[نجم الإبداع]

هاض هاجوسي على وقت الغسوق=يوم في كبد السما ذاب الشعاع
والسبب من واحدن بل العروق=يوم ساق الشوق ساقه باقتناع
نخل في بستان متدلي العذوق=يعجب الزرّاع طلعه فالمتاع
بحر فوقه موج من فوقه ودوق=شفت ومضه عقب مافل الشراع
شاقني ضوّه وانا خيلي بلوق =يقطع الصحرا ويمضي مايراع
خيل في كفي عنانه مايبوق =ينجز الطْلاّب في وقت الصراع
نوق فالساحل وفوق البر نوق=لو حلبها حادي العيس استراع
شفتها تمشي مشدقةْ الشدوق=تاكل الاخضر مع اليابس سراع
ليل حالك حولها ستين طوق=لو بدون شباك تاكلها السباع
قلت هيم وقالو العشاق فوق=خل نوق البر والساحل بساع
غادر الديره وخل اهل الطروق=دام حادي العيس لابس له قناع
لاسحابه لامطر مابه بروق =جوّنا هادي وناداني اليراع

[حوريه]

ما شاءالله
صح لسانك على هذا الأبداع
كما عهدناك نجم الأبداع
دام الحرف وصاحبه
ودي وتقديري

[نجم الإبداع]

المشاركة الأصلية كتبت بواسطة حوريه

ما شاءالله
صح لسانك على هذا الأبداع
كما عهدناك نجم الأبداع
دام الحرف وصاحبه
ودي وتقديري

تسلمين اخت حوريه

صح بدنك وما الابداع الا من يراع اقلامكم

شكرا لطيب مرورك

وماخطه قلمك

لاعدمتك

[داعي الشوق]

الله الله يا بو محمد

صح لسانك و اعتلا شانك و طاب حالك

قاف و معنى جزل

لاهنت و صح لسانك مدد

[نجم الإبداع]

ارحب يابو سعد

صح بدنك وشرف لي مرورك

لاعدمتك

[شوق]

,
,

الفاضلـ / فلاح بن منشار

صح السانكـ ..

لاهنتـ .. وتسلم يمينكـ ..

تقديري لكـ ولنزفكـ ..

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[الطامي]

فلا بن منشار
صح السانك ملايين
ابداع كعادتك
مبهمة الأتجاهات ولاكنها ماتطوف علينا يابو قلب حنين هههههههههههههه
رائعة لاهنت اخي

[منيع]

ياسلام
كل الروعة والابداع
ودي وتقديري

صح لسانك ويعطيك العافيه

تحياتي