اكثر بيتين تخبص بالحياة

[ماجد الزيد]

اكتب اكثر بيتين تخبص بالحياة هنا
ماعليك من الوزن والقافية ولا الصور اكتب الي يجوز لك
لايهمك لافراهيدي ولا تفعيله ولا مقاطع صوتية
لايهمك لانقاد ولا شعار ولا متذوقين
اكتب لنفسك بيتين ولا يهمك احد

الطاولة تنعى الكراسي والابواب =والسقف ذاب ولخبط الخنشليله
والشاي سال وغسل الفرشة جياد=والطعس يركض والفرس فوق سيكل

[ماجد الزيد]

عنتر ابن شداد للجوف رايح=وعمر(ن) ابن كلثوم رايح على الشام
والمروحة تركض لها يوم تركض=والفيش طفشان(ن) ويقدح على الدش

[الطائر المهاجر]

يا ونتي ونة طماط بجدران = وإلا طماطٍ ماكل بدجاني
والا بطاطس بالقلي صار دوخان= وفي الآخره في بطن هرش يماني

[ماجد الزيد]

من ونة الطاير تون كل حيطان=كم من جدار راكض(ن) بزعلاني
والمسئلة ماهي تواصيف والوان=المسئلة تخبيص بالصحصحاني

[الطائر المهاجر]

خبص وصحصح ما تبي دام طربان = واضرب على الإقلاع في كل شاني
وهات الخبر يومك تسافر لجابان = وتجيب لك فنساء عقيم وعواني

[ماجد الزيد]

ياما حلا التخبيص في جر الالحان=والبال صافي مايكدر ثواني
لاجيت لليابان ولا جيت تيوان=وياحلوها الهجره عن المعرباني

[ابومياس]

حياكم الله

وراكم جالسين متوزين هنا

ليش ماتشيلون عفشكم وتروحون لقسم
الفكاهي ماهو افضل 0

[ماجد الزيد]

هلا ابو ميّاس هههههههههههههههههههههههههههههه
اقلط اقلط اليوم بالنسبة لي اليوم العالمي للتخبيص

[ماجد الزيد]

خبص مادام في الحياة متسع

يقول الزير ابو نجر المهلل=الا ياليلا دان ياليلا دانا
ثلاث سنين وجاري المهرفل=يفحط كل يوم(ن)بالديانا

[الطائر المهاجر]

واشوي حالي شوي خبز بتنور = من قبل ما ينضج كلوه القرايد
واللي بقى من حوايف على الفور = لفوه كالميت بذيك الجرايد
وحطوه في فريزر من الظلم والجور= حتى تجمد وانتحر بالبرايد
وشبوا عليه النار غازٍ ودافور = وحطوه مرقوقٍ مع شوي تايد