ماحب غيرك فانتي الورد منثور

[نجم الإبداع]

ماغاب نجم اسهيل والبدر ماغاب= احساسنا الي صار خافت ومقهور
صارت نجوم الفن تسكن بالالباب = وسهيل متواري ومن حوله بحور
نجومنا من طين مانورت باب = والكون فيه نجوم ماتخلف الدور
يانجم في كبد السماء سرت باحساب=والا نجوم الارض من بور في بور
كم نجم مات وماعرفنا له اسباب= وكم نجم عايش ماينور وموتور
يانجم انا من هجر الاحباب منصاب = يجوع نمر وذيب والفارس الثور
يانجم صار الشعر يعوي بالاعطاب = واحد ينادي الجن والثاني يخور
واحد تقل طاووس ريشه من اخشاب= اكيد لو صدفه لقيتاه مطيور
والثاني اشوفه في الناس مرتاب = والبعض عايش في زمان ابن منصور
يتسابق الشعار للمال باسهاب = والكلمه صارت كنها علك مجرور
مابه جديد الا الغثاء يبغي القاب= عصيد من خرمان ينشب في الزور
الشعر ماهو سلعةٍ بين الاحزاب = الشعر نبض احساس ياكل مبهور
الشعر يوصل موعظه بين الانجاب = ويحل الاشكالات ويبين محضور
الشعر حاجة روح ماهي لمغتاب =والشعر فكر ونورلو لامس الطور
الشعر يوصل فكر راقي وسلاب= الى العقول الي بها يفتل الشور
والشعر مرسول الهوى بين الاحباب=والشعر كم عالج في الناس محسور
الشعر سيفٍ مايققف دونه حجاب= سحر الكلام الشعر والقول مقفور
بين الفضائيات ياقل الاقطاب = يتوه نظم الجزل في بحر مسجور
ناظرت في الموجود مليت الاطناب = بعض القصايد كنها عظم منخور
اكيد به شعار عالين الارتاب = ماينكر اهل المعرفه غير مغرور
لكن صاب الناس بالنفس الاعجاب= كلٌ يرى نفسه في الشعر ناطور
بلي بحب الشهره شيبان وشباب = غث السمين وصرت ياخوان معذور
ماننكر المجهود في بعظه اطراب = لمسات فنيه بها يظهر اقصور
هذا الصحيح ومانفع طب الاعشاب = علة قوافي الشعر من حولها سور
ياهل المشاعر هاجسي جا له عتاب = ماظن يخفا عنكم اليوم مخبور
القافيه تشكي من انكار الاصحاب = يحكم عليها بالردى وعد بلفور
قلت اتركيني واتبعي كل جلاب= الي يبيعك بارخص اثمان ويجور
قالت ابد مابيع حبك ولي طاب = قربك فتكفى لايبدلنك الحور
قلت ابشري حبك مريح للاعصاب=ماحب غيرك فانتي الورد منثور

[الطامي]

الشعر يوصل موعظه بين الانجـاب
ويحل الاشكـالات ويبيـن محضـور
الشعر حاجـة روح ماهـي لمغتـاب
والشعر فكر ونورلو لامـس الطـور
الشعر يوصل فكـر راقـي وسـلاب
الى العقول الي بهـا يفتـل الشـور
:::::::::::::::::::::::::::::: :::::::::
فلاح بن منشار
لازلت مبدع كما سمعنا وعرفنا ورأينا
صح الله السانك وعلى شأنك وسلم بنانك
ياحبني لمن هم مثلك كأنك تدور اللي بخاطري
اسلم ودم من الله بعافية

[مبارك أبوظهير]

فلاح بن منشار



قواك الله .. ولاهنت



الشعر مثل ماتفضلت أصبح سلعه في هالوقت .. الله المستعان



غلاااااااااااي



م ن

[ابومياس]

ناظرت في الموجود مليت الاطنـاب
000000000000بعض القصايد كنها عظـم منخـورك

الله علي يابن منشار

انا اشهد يالغالي

صار الشعر سلعة

ومحاباة من الاعلام

واكبر دليل مانقرأه بالمجلات الشعرية

او نسمعه من خلال الفضائيات

فلاح اجدت واصبت فيما قلت

صح لسانك وعاش راسك يالجزل

دمت بخير وعافية

[الطائر المهاجر]

افلح يافلاح
وبيض الله وجهك على هالدرة النقية
ولفيت بنا للشعر واهله ، ولكن ما يطوف علينا
صارت نجوم الفن تسكـن بالالبـاب=وسهيل متواري ومن حولـه بحـور
أكيد هذا ما حصل بعد هالغيبة الطويله
وسهيل هذا وش يصير ليش ماهوب الزهره
لاهان راسك
اعجابي وتحياتي

[مبروك بن ماضي]

اخوي المبدع :
الشاعر / فلاح بن منشار
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[مهدي الحبابي]

أخوي فلاح بن منشار

ارحب يا رجل وين الغيبات

صح لسانك وبيض الله وجهك

رايعه ووافيه من وافي

لك فائق احترامي وتقديري

[حور القمر]

صح لسانك

ولا هان منطوقك

ولا تحرمنا من يديدك

دمت بحفظ الخااااالق

ونترقب الزووود منك

[الآكيد]

الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

[الم الفراق]

لافض فوك


لافض لافوك


صح لسانك وبدنك


أبدعت في ماسطرته من روائع


بارك الله فيك


لاكسر لك قلم ولا جفت لك محبره


ربي يحفظك ويوفقك