حلايا الحور

[محمد بن عمار]

السلام عليكم /
عندما يتأهب الإيحاء الذاتي ، للخروج
من بوتقة العقل الباطن ، ويزعجني بتواتر
مكوناته الحسّية ، أضطر إلى فسح المجال
وأطيّرحمام البال في فضائي الشعري يحلقّ
بطريقته الخاصة ليبدو كهذه المشاركة....


حلايا الحور

إرتعي ياحلايا الحور وحرّ الحرير= في شموخ ٍ يضاهي بك طيورالحرار
وإفرشي لي خمايل ثوبك المستدير= آتثني معه ، إلى إنطوى، واستدار
وإفردي لي جناح الشوق ودي أطير= لاني أول ولا آخر، من تعلا ّ وطار
وداعبيني بساحة خافقي هالصغير= ساحةٍ قد ملكتيها ، وحنا ، صغـار
وإنثري عطرك لنسمات نفح العبير= عطرّيني وردّي لروحي الإعتبار
وطيّري لي حمام البال عبر الأثير= كلما نسنس الغربي ، لك الشوق ثار
كلما قلت ، هذا يالغلا ، ما يصير= قال قلبي وش اللي شفت منها وصار
ماهقيتك بحبك والهوى تستشير= وأنت لأهل المودة دايما ً مستشار
خابرك في فنون الحب فكرك كبير= وخابر ٍ الحبيبة ، بنت ناس ٍ كبار
آية الله وهبها الحسن شيء ٍكثير = شوفها مغني ٍ عن شوف ناس ٍ كثار
قلت جفن ٍغطاء والجفن الأخر حصير = وفي حشاي المشاعر ضاربات ٍ حصار
وليتها عن فراقي والهجر تستخير= نجمع الشمل وماقد خاب منهو استخار
فالهوى مهما طال العمرعهده قصير= ومهما طال الزمن عمر الليالي قصار

مودتي لشموخكم العذب
محمد بن عمار

[نجم الإبداع]

صح لسانك يابن عمار

وشرف اول للحضور

لاهنت

تقديري

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[ساهر الليل]

الله الله

صح لساانك يابن عماااار

ابحار في سماااء العذوبه

ووجدان الشوق والحب

مبدع الى مالا نهااايه

تقبل مروري وودي

[داعي الشوق]

وإنـثـري عـطـرك لنسـمـات نـفـح*العبـيـر
.... عطريني وردّي لــروحـــي الإعـتــبــار
-----

مرحبا يا بو عبدالعزيز

والحمدلله على السلامه
قصيده كلها عطر و نسمات و عبير

حضورك جزل دائما

شاعر و فنان باحساسك المرهف

و صح لساانك و طاب حالك

[هترل]

كل ما قلت هذا يالغلا مايصير .. قال قلبي وش اللي شفت منها وصار



ياسلااااام

اررررحب يابو عبدالعزيز
والحمد لله على السلامه
وصح لسانك برشه برشه
مبدع كعادتك

تحياتي وتقديري لشخصك الكريم

[عبدالإله]

مليار صح لسانك وقلبك
ولاهان راسك
على هالطيبه

ودي واحترامي

[القبلان]

تعجز حروفي عن وصف روعة الإبداع
لله درك
لاهنت
تقبل اجمل الود والإحترام

[عبدالله الشويمان]

صح السانك يا اخ محمد

نص فاخر كالعاده..جزاله وسبك..

دمت بخير ولا هنت

[الراقي]

قصيدة فاضت جمالا وحُسنا

صح السانك و نبضك

ودمت بخير وسعادة