ياهل العقول الملهمه والفطينه

[نجم الإبداع]

يقول بن منشار باكتب رساله=لاهل العقول الملهمه والفطينه
اللي لهم بين المخاليق قاله =لو كل واحد قام يرسل رطينه
شفت اهل هذا العصر فيهم نذاله=وفيهم جشع فالريف والا المدينه
مافيهم المعروف كلن بجاله=يجمع قروش ومابقلبه سكينه
لو شاف له مسكين يسرق نعاله=وان صاح ماقال القريبين وينه
واهل الدوايربالرشاوي رجاله=ماعاد فيهم نفس تقوى امينه
ضاع المواطن في زمان الجهاله=والدين لاصحاب الخيالات زينه
اللي يربي دقن لاجل الظلاله=واللي يقصر ثوب يملى الخزينه
ماعد بقى فالناس ناصح لحاله=كلن على ليلاه يبدي كنينه
يالله طلبتك ياعظيم الجلاله= انك تنير ادروبنا المستبينه
واحفظ بلدنا واحفظ اهله وماله=واهد القلوب ومثلي الله يعينه

[ساهر الليل]

الله يعينه

واعلي عنك يابو محمد

صح لساانك يا شيخ

كلمات صادقه

ابدعت في نظمها يانجمنا اللامع

تقبل مروري ووودي

[الطائر المهاجر]

ضاع المواطن في زمان الجهاله
والدين لاصحاب الخيالات زينه
اللي يربي دقن لاجـل الظلالـه
واللي يقصر ثوب يملى الخزينه

الله يستر ياحطيئة عياله=وش اللذي ما ابقيت جوا المكينه
من سمع هرجك قال يمشي عداله= مايدرك انك راكب بالسفينه
كم سمسمره خذيتها بالحياله = وحتى المهاجر ما توفي لدينه


صح لسانك
ولاهنت
تحياتي

[هترل]

الله المستعان .. ما تضيق الا يفرجها ربك
ومثل ما فيه اشرار اكيد فيه اخيار
نسال الله العفو والعافيه لنا ولكم ولجميع المسلمين
صح لسانك ملايين جزل كعادتك يالوافي

تحياتي وتقديري

[منيع]

ابيات رائعة
تحياتي لكم

[عبدالمحسن الرحمه]

صح السانك شاعرنا القدير فلاح نص راقي

[داعي الشوق]

صح لسانك يا بو محمد

ولله يعين على هالزمن و ما فيه

ولاهنت يا نجم

ابيات مبدعه من مبدع

[سعود بن سنيد]

اللي يربي دقن لاجـل الظلالـه

واللي يقصر ثوب يملى الخزينه

نجم الابداع

صح لساااااااااانك

هذا الكلام اللي يجمد على شارب

جزله ياجزل

لاهنت تقبل تحياتي

[الدبيان]

لوحة فنية جميلة
من رسام ماهر
احسنت
ولا هنت
اجلالي وتقديري

[الصالحي]

روعة الإبداع في سبك المعاني
صح لسانك
ولاهان راسك
تقبل اجمل تحياتي