الاتصالات السعوديه

[نجم الإبداع]

يالله ياللي مطلّع بالحال= ياعالم اسرار الوجوديه
ياللي مقدر بيننا الاجال=لك ياملك منا العبوديه
جتنا الفتن من يمنا وشمال=صنع النصارى واليهوديه
جتنا الروادي بعدها النقال=اللي تجاوز للحدوديه
ومن عقبها التلفون والموال=ومسجلات اصفر وعوديه
واليوم ماعد يلبسون الشال=والناس صايبهم بروديه
تعبت ياساده وكيف الحال=كني هلوكبتر عموديه
لاهبها الشرقي تقل زلزال=وان هبها الغربي جموديه
ماعاد نسمع غير قيل وقال=والا حروف ونار وديه
حسبي على الكونكت والجوال=والاتصالات السعوديه
اللي يحركها رجال اعمال=ماخافو الله بالجروديه
نهار تتمايل ويوم ثقال = مايشبعون من النقوديه
وش حيلتي لو ضاق مني البال=جعل العمى عين الحسوديه
لاصار معك ريال تسوى ريال=هذا مثل نفسن حقوديه
ماتت شيمنا ماتت الافعال = واختالت الخلق الجحوديه
اللي عليهم زانت الاسمال=هم يحسبو النعمه خلوديه
زاد الغلى واهل الربا تكتال=وعيوننا عنهم رقوديه
يالله طلبتك تصلح الاحوال=واحفظ لنا الدوله السعوديه

[الطائر المهاجر]

صح لسانك واعتلا شانك
وسلم بنانك وفكرك
تحياتي وتقديري

[داعي الشوق]

يا سلام يا نجم

اجزلت بهذه الراقيه صح كلكــ وصح السانك

معاني طيبة بيض الله وجهك

ولاهنت يا بو محمد

[البوهلال]

ابدعت بهذه الباسقه
صح لسانك
ودام ابداعك
تقبل اطيب تحياتي

[الراقي]

صح السانك على هـــ الجميلــــة
رائع شعرا و حضورا
دمت بِكُلِ مَوَدَةٍ

ولك ارق التحايا

[هترل]

صح لسانك يابو محمد
نص جميل ومعبر ..
وشاعر مميز بجميع اطروحاتك لاهنت

تحياتي وتقديري

[عبدالمحسن الرحمه]

ماشاء الله تبارك الله صح السانك شاعرنا القدير سلمت على هذا الإبداع

[منيع]

ابداع وتميز
شكرا لكم
تحياتي

[الطامي]

صح السانك ملابييين
ابداع هادف
لاهنت اخي

[الـزلـزال]

نجم الإبداع

نص مميز ورائع
من شاعر متميز ورائع في كل مايقدمه لنا
أبدعت وأمتعت نجمنا
دمت ودام لنا حرفك
صح لسانك ملايين ملايين
ولك فائق تحياتي وتقديري