نجم الثريا ,,, صوتيه آخر ماكتبت حصريا

حينما يتجاوز العتاب حدود الكرامه..





وحينما يسطو الموج على مجداف المركب ..




لابد من الوقوف في وجه التجاوزات ..




ومن هنا كان النزف الاخير ..



على ..




جثمان ..



الود ..

كان انت واقف فوق نجم الثريا = ارفع عيونك فوق شفني قبالك
لاتحسبنك في عيوني كذيا = من وين ماتمشي تراني ظلالك
من وين ماوجهت وجهك تهيا = صوره لها في عمق روحك مهالك
انا الزعيم اللي بقلبك تفيا = وانا الوحيد اللي لعب في حلالك
لو صحت مهما صحت والقلب عيا = كابر على نفسك وزود هبالك
تسيح والا تنتثر وش عليا = مادام قلبي حط واحد بدالك
قل ماتبي والنار فيها صليا = اشوفها تحرق بقايا دلالك
تنكر سواتي يوم كنا سويا = على الهواء تبكي من اللي جرالك
لابوك لابو من يجيبك هنيا = لابو قصيده تنحني من جلالك
لو تستعير الشعر كله حميا = يموت من كبر الاجابه سؤالك
تشوف نفسك فوق وانته وطيا = ابعد شموخك ماتعدى نعالك
لاتلتوي يكفيك باللّي ليا = ترى يمينك تلتوي في شمالك
كم قلت لك خفف غرورك شويا = خل المثاليه وحدد مجالك
اول قصيده قلتها فيك ريا = واخر قصيده تلعن اللي شكالك
الطير طار وداعي الود حيا = يقرا على الجثه بيان ارتحالك

هنا صوتيه




من هنا للحفظ

[حي الضمير]

ياسلام عليك شاعرنا الرائع ناصر
قصيده رائعه ذات معاني واسلوب جديد
لايتقنه الا كبار الشعراء
ولا اقول الا الف صح لسانك يامميز

[عبدالله الشويمان]

صح السانك يا اخ ناصر

نص جميل وقوي

دمت بخير ولاهنت

[النهج المختلف]

ناصر القزلان صح السانك ,,,,

قصيد رائعة من شاعر مبدع وجزل ,,,,

القاء رائع ومميز الله يعطيك العافية ,,,,

لاهنت ياناصر ولاهان راسك ابدعت ,,,,

تحياتي وتقديري ,,,,

[داعي الشوق]

[blink]يالشاعر ناصر القزلان
وصح لسانك
ويسلم صوتك ،،،

[/blink]

خالد الحمد ..


شرفي المرور والتعليق زاد القصيدة توهجا ..

شكرا لحضورك العذب ..

كل الود ,,,,

عبدالله الشويمان .. ابو بدر ..

الاروع حضورك الغالي دائما .. شكرا لك ..

دمت بهذا النقاء ياعزيزي ..

كل الود ,,,,

[راجي الحاج]

يعطيك العافيه أخوي ناصر

كلمات قويه ورائعه ى

وإالقاء أكثر من رائع

ذكرتني بإلقاء الشاعر عمر الفره

تحياتي

[سناعيس]

شاعرنا القدير ناصر القزلان
صح لسانك على هذه الشامخه
وبيض الله وجهك ولله درك يابو محمد

تحياتي

[الصريح العتيبي]

استاذنا القدير/ناصر القزلان------------------سلمه الله
الله الله الله
وماخفي كان اعظم
(عذاب ماضيه توه يطلع هلاله)
صح لسانك يابو محمد
واعتلى شانك ولاهان راسك
واللي ماله اول ماله تالي
بصراحه قلتها من قلبك والا من وراى قلبك
متااااابع
دمت بخير حال