يقطعك ياعشق السنين التوالي

[شجاع عمر الأكلبي]

جديدة الآن

لاعدت ياحُب صرفني عن الغير=عزاه ياوجدي ويابري حالي
حُب ٍ صرفني عن جميع الغنادير=وأسقان كأس المر ماذقت حالي
ياشبه وضحاً من خيار المغاتير=ماترتع إلا في قفور المفالي
بنت الرجال أهل الفعول المشاهير=يشهد بها التاريخ أول وتالي
رجّالهم يبطش مثل سالم الزير=ودون الجميلة مايحسب الريالي
حُبك مثل مخلاب عوج الدناقير=شلعت به قلب ٍ بحُبك مثالي
لافي الهوا خير ٍ ولا في العرب خير=عشاق لكن في يمين وشمالي
مثل المغنّي عاشق ٍ للمزامير=تلقاه دايم مع حداها يلالي
يطرب لعزف العود ويشوش للزير=ويلعب مع المزمار طرب ٍ وسالي
وهذا هوا كل السنين المواخير=يقطعك ياعشق السنين التوالي

[سعيد الصاعدي]

رجّالهم يبطش مثل سالم الزير=ودون الجميلة مايحسب الريالي
حُبك مثل مخلاب عوج الدناقير=شلعت به قلب ٍ بحُبك مثالي
لافي الهوا خير ٍ ولا في العرب خير=عشاق لكن في يمين وشمالي


الاخ الفاضل / شجاع عمر الاكلبي
صح لسانك لاهنت
نص شعري راقي جدااااا
من شاعر متمكن
تحياتي
أخـــــــــوك
س / ص

[سناعيس]

يقطعك ياعشـق السنيـن التوالـي


شاعرنا الرائع شجاع الأكلبي
صح لسانك ولله درك على هذه الرائعه

لاهنت

تحياتي

[الأموره]

الاكلبي ،،

صح لسانك ملايين يخوي

سلمت و سلم فكرك

الف شكر لك

دمت برعاية الخالق

[داعي الشوق]

الله الله يالشاعر شجاع

صح لسانك مدد بلا عدد

رائعة وغير شكل يا شجاع

تحياتي لك وصح لسانك ،،،

[منيع]

رائع ونفس شعري مميز
دمت مبدعا
وعيدك مبارك
تحياتي

[ام العمده]

الشاعر القدير/شجاع

صح لسانك واعتلى شانك
لاهان راسك
جزله من شاعر جزل
كل عام وانتم بخير

[الطائر المهاجر]

كتبت فأبدعت

جزلة من راس جزل وشاعر مبدع

صح لسانك ولا هنت

تحياتي الطيبة

[صوت الإحساس]

صح لسانك حتى ترضى



صاااادق الود

[عذب القوافي]

صح لسانك يالغالي

نص جميل لله درك

تقديري الجم,,,,,,,