سـافـر

[عبدالله مذكر العقيلي]

سـافر عسى ربي يحفظـك ويرعـاك = وتلقـا السعـد والـخـيرفي كـل الاوطـان
وارحل عسى ربي يسير لك اخطاك = ويحفضك من لوعة صواديف الازمان
كـنـا سـوى والـعين تـنضر وتلـقــاك = وامزح معك واضحك ولاني بـزعــلان
والـيـوم مـاشـوفـك ولـكـن ذكــــراك = تـبـقـى عـلـى بـالـي ولـوكـان مـا كـــان
أرفق على نفسـك تمهـل بـمـمـشـــاك = لايـاخـذك طـيـشـن علـى غـير بـرهــان
واحـذر ترافق صاحب الـشر يبــلاك = وتـصـبـح حـيـاتـك بـيـن ذلٍ وحـقـــران
تـراه مـثـل ابلـيـس لـوجـالك اغــواك = فـي كـل سـاحــه لـه مـنـصـه ومـيـــدان
رافـق طويـل اذراع يـاخـذ بـيـمـنـاك = اللـي على كـسـب الـجـمـيـلات طـربـان
رجال عن درب الخطاء يمنع أيــداك = ويـدمـح لـك الـزلـه ولـوكـنـت غـلـطـان
وانجـيـتـه مـسـير فـرشـلك وقـهـواك = فـي دلـةٍ صـفـراء مـن انـتـاج رســـلان
ومن قـلبـه الطيـب يـرحـب بـلـقـيـاك = ترحيـب وافـي مـا يـجـي فـيـه نـقـصان
وكـثـر تـراحـيـبــه وهــلا وعــشــاك = عــشـاك مـن حـيــلٍ كـبـيـرات وسـمـان
هذي نصيحـه لك ومـثـلـك وشـرواك = يـعـرف ولـكــن بـس تـذكــيـر يـفـــلان

[سلطان العطاوي]

صح لسانك

حضور راقي وقصيده راقيه
لا هنت

[نجم الإبداع]

الله الله

صح لسانك ياعبدالله

مصافحه راقيه

ابدعت

لاهنت

تقبل مروري

وتقديري

[رفيعة الشان]

الله
شاعرنا الأخ الحمدان
قصيدة جميلة وجزلة
فصح الله لسانك مليووون
ابدعت

ولاااهنت

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[سناعيس]

صح لسانك ياعبدالله
ولله درك
قصيدة جزله من شاعر جزل
لاهنت وبيض الله وجهك

تحياتي

[عالي مستواها]

الشاعر / عبدالله الحمدان


صح لسانك

وزان حالك

مبدع وجزل

لاهنت مليون ولا يكفون

لله درك

الله لا يحرمنا نزفك الرائع

الله يعطيك 1000 عافيه

[حي الضمير]

صح لسااانك ياعبدالله
قصيده رائعه وابدعت
تقبل التقدير والاعجاب يامميز

[عذب القوافي]

وافية من وافي أخوي عبدالله

صح لسانك مليون ولايوفون

تقديري ,,,,,,,,,,

[زهرة اللوتس]

سلمت وسلم فكرك
جزلة من شاعر جزل
لاهنت وبيض الله وجهك
ولك مني
اطيب تحية

زهرة