نهج ابو زيد وعامر

[ناصر عبيد الهواوي]

مالـي ومنهـاج الحداثـي ومذهـبـه=عجل الزمـان ابـا اغصبـه يريـض
النفـس قارفتـه والأسـمـاع ملـتـه=جانـا مـن افـواه العجـم لفـيـض
على نهج ابو زيـد الهلالـي وعامـر=ابا احـاول ابـدع هالعشـي قريـض
واعـدي بقيفانـي علـى راس نايفـة=مـن دون قمتهـا تشـوف نفـيـض
تهيضت من قاف ٍقريته علـى الصفـا=مكتوب علـى غـار القليـب يهيـض
رسم لى رمـوز ٍقـد تولـت سنينهـا=ضاعت وأثر نـو الزمـان عريـض
الى انعاد فيلـم الذكريـات بخاطـري=ثلاث ٍبلا ادنى شـك اطيـح مريـض
طريح الفـراش ويتبـع النـوح ونـة=مثل من جبر عظمـه وعـود هيـض
تواصل ونيني لين جـاء كنـه العـواء=عواء من بنيبـان الغليـث عضيـض
طرالي بعـد ذقـت الأمريـن سبتـه=وبالريق حلقـي صـار لـه جريـض
واحس نبـض القلـب عنـدي توقـف=وتلمٌسـت والـى للعـروق نبـيـض
رشأ اهيف حشا كن احمر الورد وجنته=ويفتـر عـن مثـل اللوالـي بـيـض
الى داعـب النسنـاس بالليـل برقعـه=يجـي لـخـده بالـظـلام ومـيـض
وتتله ردوف ٍكلما اقفـى بـه الهـواء=لـو تبـي الحمامـة فوقهـن تبيـض
ومعهـن يتـل القلـب تـلـة بتـلـة=ويضفـي عليهـن فـاحـم ٍنقـيـض
الى شفـت لـي زولٍ يحالـي لزولـه=وتشبيه العصا بالسيـف شـي يغيـض
اجلس وانا واقـف يجـي فـيٌ رجـة=والعيـن فـي زرق الدمـوع تفيـض
وجدي عليهـم وجـد مفخـت مطيتـه=فأرض ٍ خلا مضمـاة وقـت القيـض
يقتصهـا مـع دربهـا ليـن شافـهـا=عليها الذيابـه جـاء لهـن نضيـض
لو لامني فـي ذكـره اغـلا قرابتـي=عنـدي يجـي عقـب الغـلا بغيـض
هنـي مـن قلبـه مـن الهـم خالـي=انـا اشهـد إنـه بالحيـاة حضيـض

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي ياناصر
تقديري واحترامي

[مبروك بن ماضي]

أخي الفاضل الشاعر/ ناصر عبيد الهواوي
سيظل شعرك منارة للأجيال
قصيدة جزله من رأس جزل
سعدت بالمرور وغنمت بالمتابعة
سلمت قريحة جادت
سأقتفي اثر حرفك الأصيل
تقبل تحياتي وتقديري ،

[منيع]

ياسلام عليك
ابيات ولااروع
بارك الله فيكم
تحياتي لكم

[نجم الإبداع]

الله الله

صح لسانك ياناصر

وهلاليه رائعه من شاعر متمكن

شكرا لاتحافنا

لاهنت

تقبل مروري

وتقديري

[الطامي]

ناصر الهواوي
صح السانك وبنانك ملايين
جزلة وكايفه لافض فوك اخي
شكرا لك

[الخنساء]

صح لسانك مليون ولايكفون
جزلة من راس جزل

سلمت ودام حرفك

[جلال ابراهيم الصبيح]

صح لسانك جميلة جدا....لاهنت.....دمت بخير.


عاشق دمشق

[ام العمده]

صح لسانك واعتلا شانك

لاهان راسك

ابدعت

دمت بخير

[سناعيس]

شاعرنا الرائع ناصر الهواوي
صح لسانك على هذه الهلالية الرائعة والجزله
لاهنت ولله درك


تحياتي