يجيني على بدع المثايل ولَع وشْعاف

[سعيد مقبل الأكلبي]

صديقٍ عزيز يقول لي ليه ماتنشاف=ولا لك مع الشعّار فالمنطقة طاري
وانا لانشد عنّي فنا ماعلي خلاف=مادام انه وشرواه جمهور لاشعاري
انا خابر انه يوم ينشد يبي الانصاف=يهمه سمان الهرج وسمان الافكاري
وهذي طبيعه فالمناعير والعُرّاف=وساعٍ نهاياهم بعيدين الانظاري
يبين الوفا والطيب في حزة الميقاف=وبعض القلوب صحاح والله بها داري
ياراعي الكلام الذرب بهْدي عليك القاف=واغنّي على طرقٍ يغنّي به الساري
واعلمْك بعلومي عساها تجيك خفاف=وافصّل لك النشرة على موجز اخِباري
انا ماكتبت الشعر لاجل اكسب الالآف=ولانيب اوقّف به على بايع وشاري
ولا رحت ادوّر للمجلة عشان غلاف=وهي مالها بين النشامى ولا قاري
مانيب آتمذلق لين اطبّح على الاكتاف=ولا ادوّر الشهرة بتصريحي الناري
ولا اتعبت رجلي فالقنوات بالوِقّاف=وهي ماتبي الا من يذرّي مع الذاري
ماذليت عمري لو تبيّن علي الاجحاف=لإني عزيز النفْس واعز مقداري
عز الله محطات الشعر بعضها ينعاف=وعلى هَدمة الموروث مفعولها ساري
وسايط وجمع فلوس ومرايشه واحلاف=وصوتٍ على اذن المستمع يدخل اجباري
الا مارحم ربي مثل مطلق وصيّاف=والا مثل ابن جدلان ومحمد الصاري
رموزٍ عن الشعّار والا الشعر مضياف=ومعازيبة الجزلين في كل الاقطاري
وانا مايهيّضني لاعديت فالمِشّراف=الا دبرة الله فالصحاري والاقفاري
لاشفت الفيافي قُدم عيني وهي انظاف=هواها من هموم الحشا والقلق باري
يجيني على بدع المثايل ولَع وشْعاف=وهي كنّها تقول لي طب واختاري
ولا ابي نتايجها تجيني على الصرّاف=ولاهيب راس المال فحسابي الجاري
ابيها على قلبي تجي كنّها الاسعاف=لامنّه سرا ليل الهواجيس سمّاري
وابيها معا ليل الدجى كنها الكشاف=لامنّه ولع فالليل ماحوله انواري
وابيها لاعِدّت فالمحاضر يصير اهتاف=ويطرب لها الجمهور من كل الاعماري
هذا راس مال الشعر والشاعر الحوّاف=اللي يحترم جمهوره كبار واصغاري
يطول الزمن ويدور ونهاية المطاف=يصح الصحيح وتنكشف عورة العاري

[زهرة اللوتس]

يسعدني ان اكون اول
المتصفحين للهذه الباسقة
سلمت وصح فكرك
جزلة من شاعر جزل
لاهنت وبيض الله وجهك
تحية طيبة

زهرة

[الـزلـزال]

عز الله محطات الشعر بعضها ينعـاف=وعلى هَدمة الموروث مفعولها سـاري
وسايط وجمع فلوس ومرايشه واحلاف=وصوتٍ على اذن المستمع يدخل اجباري
الا مارحم ربي مثـل مطلـق وصيّـاف=والا مثل ابن جدلان ومحمـد الصـاري

سعيد الأكلبي
قصيده رائعه ومتقنه وجزله
عانقت سماء الشعر الأصيل
من شاعر متمكن ومتميز وجزل في كل مايقدمه
أبدعت ثم أبدعت ثم أبدعت
وليس بغريب عليك الأبداع والجزاله
صح لسانك ملايين ملايين
ولك فائق تحياتي وتقديري

[صنداح الزلامى]

سعيد الأكلبي


صح لسانك مدد لا عدد

مبدع دائما ياسعيد وتجدد الابداع

في كل وقت شاعرية قذة ومهارة

عالية في النسج اعدابي لك ودمت

[داعي الشوق]

صح لسانك يالشاعر الرائع

سعيد الاكلبي

قصيدة رائعة في الفكرة و المضمون

دائما مميز يا سعيد

لله درررررررك

شاعر جزل و مميز في كل الحالات

تحيتي لك مع التقدير

،،،،،،،،،،،،،،،،،،،،،

[همس الورد]

صح لسااااااانك

بووووووح رائع

تحيتي و تقديري

[نفحات حساسة]

صح السانك واعتلى شانك..
ولاهنت.. قصيده رائعه
سلمت وسلمت يمينك
تحياتى وتقديرى.

[الطائر المهاجر]

سلمت وصح لسانك وفكرك
واعتلى شأنك
نص رائع من شاعر رائع
لاهنت
دمت بخبر

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[الطامي]

سعيد الأكلبي
صح السانك ملايين
وافي من وافين
والنعم بك اخي قول وفعل
جزلة هادفه
شكرا لك