محاورة القافية الصعبة

[الطائر المهاجر]

المحاورة هنا مفتوحة للجميع ، سنحاول من خلالها التقيد بالطاروق ، واختيار قافية صعبه
حتى تشيب ثم نبدأ بقافية صعبة اخرى ، والقوافي الصعبة في اعتقادي هي ما انتهت بحرفين
الأخير منهما صعب ، في الشطر الأول والثاني ..
ومن القوافي الصعبة الضاد ، ولأننا في الشعر الشعبي لانفرق بين الضاد والظاء ، حيث نعتمد على النطق
فإن كلا منهما يكمل الآخر :

زان السحاب وهب نسناس الرياض = وقلت المطر جانا ولكنه غيوض
والحر زوّد في كتامه بانقباض = وهاجت جموع الغزو من شتى البعوض

[سناعيس]

فكره ممتازه
تشكر عليها يامشرفنا

يالله انا مؤمنين ولا اعتراض=وبقدرة الرحمن مانقدر نخوض
لكن الديره تبي لون البياض=في قلوب تشتغل تبي النهوض

[الطائر المهاجر]

اختلط فيها عويض مع عياض = وكل واحد ماشيٍ فيها نقوض
الأنانية ولا من امتعاض = سمتهم حتى ولو عند الفروض

[سناعيس]

دام فيها من يجادل بانتقاض=ومن يبينا نشتري بدين وقروض
والمفكر في بلدنا ايش هاض=اغسل ايدك من التقدم والنبوض

[منيع]

علة الموتر الاطاح برباظ=لاعزم يقوى ولوهوجيب حوض
والفزعه اللي مابها حمض وحماض=مثل بعض الهرج لاصابه غموض

[الطائر المهاجر]

كثروا الاجناب وحنا بانقراض = مع فشلنا في العمل نرمي الحظوظ
عايشين بوهم لا فكر بنجاض = ولا قوانينٍ تتبّع للربوض

[سناعيس]

افرض انا بدون بنقال افتراض=وش يصير بحالنا منهو يعوض
العماله كلها شر وشواض=ابتلانا الله بها مثل الرضوض

[الطائر المهاجر]

يوم كنا بدونهم والكل ماض = نبني ونسبك ونقنع بالقبوض
ويوم فكر بعضنا يربض رباض= جابهم يكسب وفي كلش يخوض

[سناعيس]

ذاك وقت همنا نرود الفياض=ومبتغانا جلسة في وسط روض
والعدد قله ولاهناك اكتضاض=الشوارع فاضيه ولافيها عروض

[ابو زياد]

ول وقت به نشوف الديك باض=والدجاج اليوم يبخل بالبيوض
انفلت رجالهم عقب انقباض=وصرف الدولار واحتاج القروض