يـالـــبــيــه .. يـاعــــووونك .. !!

[محمد العسكر]

لو كااان

( قلبك )

مثل ماكنت

لي أول

ماجيتك اركض

واطيح احيااان

من دوووونك

ماني ( فقيرك ) ولاني فيك ( متســوّل )
القصد كله مابيك تبيع مجنوووونك !!

تعبت انا ارقى على المرقاب واحوّل
ماكني الا اخيل الكووون .. بعيونك !!
.
.
.
.
.
.
.
.
.
.
.
.

لو كان قلبك مثل ما كنت لي اول
ــــــــــــــ ما جيتك اركض واطيح احيان من دونك !!

ماني فقيرك .. ولاني فيك .. متسوّل
ـــــــــــــــ القصد كله .. مابيك تبيع .. مجنونك

تعبت انا ارقى على ( المرقاب ) واحوّل
ـــــــــــــــ ماكني الا اخيل الكوووون .. بعيونك

بالله .. تكفى .. اذا بتغيـّـب .. لاتطـوّل
ــــــــــــــ اخاف من ( شـلــة ٍ ) فيني .. يعزونك

وتروح كنك من اللي صااار متهـوّل
ـــــــــــــــ مع ان موتي على ( يديك .. وطعونك )

سو ما بدالك على ما تشتهي مـخـوّل
ـــــــــــــــ مافيه قلب ٍ يعيشك (حب) ويخونك !!

دايم وانا اللي اغض الطرف واتأوّل
ـــــــــــــــــ انخى لك العذر .. ( يا لبــيــه يا عـونـك )

الظاهر اني معك مسجوووون .. ومطول
ـــــــــــــــــ مابي فضاء الناس .. شد اوثاق مسجونك

خذ راحتك كيف ما ودك بي اتجـوّل
ـــــــــــــــــ دام المحاني ( تضمك .. والغلا .. كونك )

ياكثر ماني نبضت الشوووق وامـوّل
ــــــــــــــــ بالله طلبه .. ترفق بي .. على هونك !!

صـوّرت واقع حياتي فيك .. ماهــوّل
ــــــــــــــــ كل المشاااوير يوم اقفيت .. يبكونك

ماتذكر انك تشيل الصوت وتمــوّل
ــــــــــــــــ واهتز كلي .. اجاوب .. هزة امتونك !!

لو المشاعر .. مع الايام .. تـتـحــوّل
ـــــــــــــــ ماجيت انا اشكي واشيل الجرح وكفونك

يلعب بي ( الهم ) لامن رحت .. لمـنـوّل
ــــــــــــــ واتذكر انه .. حلاة الوقت .. بجنونك

لازلت انا ارسم بك ( الاحلام ) واعــوّل
ــــــــــــــ يا منتهى الحلم .. خذني داخل عيونك

ولو كان قلبك .. مثل ماكان بالاول
ـــــــــــــــ ماجيتك اركض واطيح احيان من دونك !!

.
.
.

شعر / محمد العسكر
مع خالص الود

[فارس القوافي]

يالله حي محمد

انا من اشوف محمد منزل شي جديد اجي طاير واعرف ان الجزالة والفكرة موجودة

صح لسانك

لاهنت

دوما مبدع

دمت بخير

[الطائر المهاجر]

ماني على حالتك ياصاح متقول= مجنون خلقه وخابت في الهوى ظنونك
شعرك غدا ملك للعالم ومتدول = حتيش لو رحت يبقى لك يذكرونك
امير شعرٍ ولا هو ضمن المعول = يمكن تولى الأماره يوم ينعونك

صح لسانك
ولاهنت
متميز دائما
تحياتي

[محمد العسكر]

فارس مرورك شررررف القصيدة وشاعرها من القلب الف شكر

[محمد العسكر]

المشاركة الأصلية كتبت بواسطة الطائر المهاجر

ماني على حالتك ياصاح متقول= مجنون خلقه وخابت في الهوى ظنونك
شعرك غدا ملك للعالم ومتدول = حتيش لو رحت يبقى لك يذكرونك
امير شعرٍ ولا هو ضمن المعول = يمكن تولى الأماره يوم ينعونك

صح لسانك
ولاهنت
متميز دائما
تحياتي

الله الله الله

قلة من الردود تتجاوز جمال القصيدة

لي شرف مرورك وبصمتك الدائمه

لمثل هذه الردود نكتب الشعر

شكرا من الاعمااااااق ايها العملااااق

[منيع]

ياسلام عليك
ابدعت واجدت
لشعرك حلاوة يتذوقها القلب وينبض بها طربا
شكرا لك
تحياتي

[زهرة اللوتس]

الشاعر محمد العسكر
صح لسانك
جزلة ورائعة من شاعر تعودنا منه الابداع
لاهنت
تحياتي لك


زهرة

[الطامي]

العسكر
الله يعينك وانا احوك
صح السانك ملايين
جزلة وطيبه
والله يعينك مرة اخرى

[عبدالله مذكر العقيلي]

ابداع منقطع النظير

لله درررررررررك

صح لسانك

وعلاشانك


تحيتي

[سناعيس]

الله الله
نص في غاية العذوبة والجزاله
دائما أنت مميز يامحمد ولك اسلوب خاص
صح لسانك والله لايهينك

تحياتي