![]() |
رقم المشاركة : 1 | ||
|
بعد العشاء من مساء الجمعه 26/3/1431 الموافق 12 مارس 2010
سالم=
ياصاحبي يابو الشعر والطواريق=اجمع جروحي بين كفت يدينك الطائر= ان ما خذاها القلب جمله وتفريق= ما اظن قلب الغير فيها يعينك سالم= يالشايب اللي لك مع الوقت تبريق=افزع وانا في وجهك ووالدينك الطائر= كانه على حقٍ فلا عنه تعويق= وكانه على باطل تراني ادينك سالم= الفزعه اللي خلدوها المطاليق=تفزع ولو كان الغلط قُدم عينك الطائر= ماني من اللي فيه طبع المطافيق= للحق افزع مثل سيف بيمينك سالم= مادام ماهي فزعة طويق لطويق=اشطب عليها وامحها من سنينك الطائر= تبيني ارجع للجهل حزة الضيق=واعصى كتاب الله واصبح ضمينك سالم= الفزعه اللي علمها له مواثيق=محدٍ يحرمها سوا ساعدينك الطائر= مالله ومر نفزع على باطلٍ سيق=من الله تخاف فلا البشر نافعينك سالم= لي بالهوى حومه ولفه وتحليق=واكفخ على السنه واجيبك وادينك الطائر= ماحرم الله في الهوى درب تشويق=دامه على السنه فانت ويقينك سالم= ان كان فكرك راح صوب الملاحيق=فارفع نظر عينك وحرك جبينك الطائر= اعرفك شاعر لاعبٍ في المخاليق=ياما سحر شعرك لذولا وذينك سالم= الشعر يابن الناس مثل الشواهيق=ولو ماني ارهااابي فلاني وزينك الطائر= اما على ارهابي فلا لي بتعليق=ومن قال ارهابي جهل عن كنينك سالم= ارهابي الساحه ولا فيه تمليق=اجلد شنب واحرقك جيمك وسينك الطائر= قلبك قلب عصفور من غير تحقيق=يفز لا اطرنّ الغنادير زينك سالم= البيت ذا مكسور من غير تصفيق=احااه من بيتك ويازين شينك الطائر= لامن نطقته صح من غير تزويق=تدري بأن العود وزنه يدينك سالم= لو تجمع الشعار قبل الغرانيق=الحكم حكمي والمصادر يقينك الطائر= حكمك عجل فاركد وخل التعاميق=فالشعر صوتي ربنا ما يهينك سالم= الهرج له رسمه وغايه وتطبيق=يامخلفٍ بالوزن ربي عوينك الطائر= كانك تبي بالحق للحق تطبيق= فاعلن لنا الفديه على سامعينك |
||
![]() |
![]() |
رقم المشاركة : 2 | ||
|
محاوره رائعه جدا |
||
![]() |
![]() |
رقم المشاركة : 3 | ||
|
الله عليكم |
||
![]() |
![]() |
رقم المشاركة : 4 | ||
|
صحت السنكم يامبدعين |
||
![]() |
![]() |
رقم المشاركة : 5 | ||
|
ابدعتم وامتعنم ياشعار
وصح السنتكم |
||
![]() |
![]() |
رقم المشاركة : 6 | ||
|
محااااورة رائعة |
||
![]() |
![]() |
رقم المشاركة : 7 | ||
|
الله الله |
||
![]() |
![]() |
رقم المشاركة : 8 | ||
|
يا سلام ياسلام |
||
![]() |
![]() |
رقم المشاركة : 9 | ||
|
صحت السنتكم |
||
![]() |
![]() |
رقم المشاركة : 10 | ||
|
صح السانكم |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
بني خالد | الطائر المهاجر | القبائل بلدانها وشعرائها | 46 | 24-08-2020 02:01 PM |
تكمله أموت وأحيا بك | نوووونا | القصة والرواية والمقال | 76 | 09-09-2011 03:57 PM |
قصة مؤثرة بالنفس ؟؟؟؟ | الخنساء | منقول الأدب العربي | 15 | 16-12-2010 06:50 AM |
قصة لراعين الطنازة والضحك | عالي مستواها | المواضيع العامة | 17 | 15-12-2010 11:58 AM |
أم الجمـاجم ,, وحـــب المقـــابر | دايود صالح الخلف | منقول الأدب العربي | 24 | 09-12-2010 01:26 AM |