مـادام ذا طبعـك وهـذي مباديـك=كمل جميلك

[حرف وشعر]

انابـودك مدمـن فيـك وأغلـيـك=وانتـه بـودي مدمـن بالتجـنـي
مـادام ذا طبعـك وهـذي مباديـك=كمل جميلك وانـزع الـروح منـي
عييت انـا بالـود ياكـم اناديـك=واقول مجنونك علي البـاب جنـي
غلاك يجبرني علي الشوق واجيـك=واحـث قلبـي بالرجـاء والتمنـي
واصبرعلي لاماك لو فيـك مافيـك=واقـول مفتـون وخلـي فتـنـي
واخط لك مـن دم قلبـي قوافيـك=بحروف من شعري وشريان فنـي
ياملهمي شعري عسي الله يخليـك=قلي بربك ش الـذي جـاك منـي
وش فيك قلي ياهوا الروح وش فيك=من جفوتك حتـي الليالـي جفنـي
امسي وليلي ياهوا الـروح يبكيـك=واصبح وصبحي عند طاريك حنـي
وش الذي يازين غيـر معانيـك؟؟=قلـي بربـك يالطـيـف التثـنـي
هل هو ودادي يوم انا مغرم فيـك؟؟=ولا الغلا ياطيـب ورد السمنـي؟؟
ولا الثناء من طيب ذكرك وطاريك؟؟=ولا الوفاء واحسان قلبي وظنـي؟؟
ولا عيونن تكتحل من مساريـك؟؟=ولا مدامع مـن عذابـك بكنـي؟؟
ولا علي حزنك وقلبي يواسيـك ؟؟=ولا علي حزنـي وقلبـك يغنـي؟؟
ولا أعهود مبرمه من معاليك؟؟=علي الوفاء يامير ها ماوفني؟؟
ابيك انا والله لاشك انا بيك=وانته علي بير الضماء تاركني
الله وكبـر مـن زمـان الشرابيـك=لاشك ان بيـض البنـات افتننـي

[داعي الشوق]

واخط لك مـن دم قلبـي قوافيـك = بحروف من شعري وشريان فنـي

....................................

صح لسااااااااااانك يالشاعر محمد

قصيدة جميلة ،

شاعر جزل يالشامسي

قصائدك دائما تحمل اللون العاطفي الحساس

أبدعت يا بو عمران كـ عادتك ،،

تحيتي لك مع التقدير

و صح لساانك

***************

[الطامي]

صح السانك ياحرف
رائعة وجزله
لاهنت اخي

[منيع]

كل الروعه والابداع
تحياتي لكم

[عبدالإله]

نص اكثر من رائع

صح لسانك ملايين

ولا عدمناك

[عبير الورد]

ياملهمي شعري عسي الله يخليـك
قلي بربك ش الـذي جـاك منـي
وش فيك قلي ياهوا الروح وش فيك
من جفوتك حتـي الليالـي جفنـي
امسي وليلي ياهوا الـروح يبكيـك
واصبح وصبحي عند طاريك حنـي





الله الله


صح لسانك ملايين سلمت وسلم منطوقك الجزل
ربي يعطيك العافية

[سناعيس]

الله الله
صح لسانك يامحمد
ولله درك
على هذه الرائعه

تحياتي

[منصور العبدالله]

هل هو ودادي يوم انا مغرم فيـك؟؟
ولا الغلا ياطيـب ورد السمنـي؟؟

ولا الثناء من طيب ذكرك وطاريك؟؟
ولا الوفاء واحسان قلبي وظنـي؟؟



الله الله الله يالشامسى

ما اعذبك وما اجملك

صح لسانك ياقرم

تقبل مرورى واعجابى بقلمك

شاعر جميل وجزل

[نجم الإبداع]

الله الله

صح لسانك يامحمد

مصافحه راقيه

لاهنت

تقبل مروري

وتقديري

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^