![]() |
رقم المشاركة : 1 | ||
|
الشعر من دون المحاور سواليف = ومحاورٍ ماله هدف وش نبي به
وقصر الفطاحل واجبه يكرم الضيف= يفتح له الميدان يلعب بهيبه |
||
![]() |
![]() |
رقم المشاركة : 2 | ||
|
الله يديم الود بين المواليف = ياصاحبي وين العقول اللبيبه
خابرك يالي كلمتك كنها السيف = لكن نفوس الناس ياخي غريبه |
||
![]() |
![]() |
رقم المشاركة : 3 | ||
|
أخوي ابو عبدالله صح لسانك والله درك |
||
![]() |
![]() |
رقم المشاركة : 4 | ||
|
هلا بكما يا فلاح ويا مهدي
الحرف مثل السيل يحتاج تصريف = وان ما عدلته لاتساهل بعيبه
والنفس حساسه اذا شافت الحيف= وكل البلى من حرف محدث لريبه |
||
![]() |
![]() |
رقم المشاركة : 5 | ||
|
دنياي ماجت يارفيقي على الكيف = يوم الغصون الي تبيني رطيبه
واليوم ناداني الهوى وانت حريف = ابغى النصيحه عاملوني بطيبه |
||
![]() |
![]() |
رقم المشاركة : 6 | ||
|
تركتني واقفيت والرد تغليف = تطرد ورى من قلت عنها الحبيبه
ولمن ملزت اقبلت والهرج تخريف= تقول قلبي يشتكي من لهيبه |
||
![]() |
![]() |
رقم المشاركة : 7 | ||
|
ياعود ماعرف للردى والتلاقيف = جيتك وقلبي يشتكي مالمصيبه
اما غيابي فالحقيقه لفى ضيف = عابر سبيل وقلت لازم نجيبه |
||
![]() |
![]() |
رقم المشاركة : 8 | ||
|
وش هيضك والضيف جالك بتشريف = لولاه حرك ضامرك بتخريبه
اخذك بحرٍ فيه عمق وتجاويف = يحسبك مثله ماعرف عنك شيبه |
||
![]() |
![]() |
رقم المشاركة : 9 | ||
|
كنت احسبك دكتور بتحلل الطيف = وتحس نبض العاشق وتعتني به
واثرك معكر جو وتريد تلطيف = دنيا الهوى ياخوك دنيا عجيبه |
||
![]() |
![]() |
رقم المشاركة : 10 | ||
|
خل الهوى لاهل الهوى والغطاريف= وارجع لأمرٍ كن ودك تسيبه
قلنا المحاور قلت كله تصانيف = ياسرع ما يزعل رفيق تغزي به |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|