مهدي الحبابي
ســلامـي سـلامـي عــد ما هـل هـمـال
................ عـدد مـا تهـل مـزون ذيـك الـمـخـيـلـه
ابي شاعـرِِ مـا شـوش براسـه ارسـال
............... يجـي بالـكـلام الـذرب مابغـى بـديـلـه
محمد الروقي
هلا مرحبا والفال قافيه كل عقال
...................... ومثلك من الشعار ياشيخ يا احليله
انا شاعر مانيب يامهدي الجوال
....................... على ضفته والبارق ان راح ما اخيله
مهدي الحبابي
يدوم البقاء يا الروقي بكل الاحوال
...................... حليل الزميل اللي زعل من زمـيـلـه
خذ العـلم مني قبـل ما تـلبـس أبدال
.................انا خـابـرك روقي تـمـثـل قـبـيـلـه
محمد الروقي
انا ماكسرت من الزعل مقضب التمثال
................. ولاني من الي سرع يضهر حصيله
انا اعرفك يامهدي تجيب الخبر رجال
....................... وختم القبيله معك من حول وتشيله
مهدي الحبابي
تكـسر تجـبـر هـيـه لا يـكــثـر أجـدال
.............. وعـج الـرمـك تـوك يـا راعـى الكـحـيـلـه
عـلومك عـلى وجهـين والـعـمله اريـال
............. وريـال السـعــوديـه مـا تـلقـاء مـثـيـلــه
محمد الروقي
زمان ٍ نشوفه يالحبابي ثلاث اشكال
....................... نصيحه نصيحه لا تجي بالمسيله
ليا زاد حمل الهرش يشتاله الجمال
........................ ويصبر وربه يالحبابي وكيله
مهدي الحبابي
زمـانِِ نشـوفـه بـيـن رجـلي وخـيال
.............ومـا قـدر المـولى لـعـبـده يـجـيـلــه
ولكن عـليـك تعـدل الـحــمـل لامال
................. انا ما طلبتـك حـاجة(ن) مستـحيـلـه
07-08-2006, 12:34 AM
