لويحان

[الطائر المهاجر]

الا يامال فرقا العين الا يامال فرقا العين=يابعد الفرق بين الناس ياخلاق ياكافي
خطاة الزول صورة يحسب الجمعة ضحا الاثنين=يغر الاجنبي زوله وفي ملبوسه الضافي
فالى منك قرعت زناد عرفه مع هل التثمين=لقيته عملة ما تندرج مع كل صرافي
يحسب ان الهوى خبلان قضبت مفرع السوقين=يعقب له ثلاث اوجاب يذري فوقه السافي
هبيل فواد يمرح له بعنة لابة سارين=تكوبع في عباته وانسدح والهجن زلافي
الا ياتابع المقفين تتبعهم وهم مقفين=نقاصة عقل ياللي تتبع اللي معطي قافي
ربيع ما تذوق احماه لو يذكر نباته زين=فهو من حض غيرك فيه له مربع ومصيافي
ورا ما تعتبريادابشه والا الذهين ذهين=يقيسك في طرف حبله وياخذ سدك الخافي
ترى درب الشكاله والسعادة صد عنك يمين=حشا لله ما تارد وتشرب مشرب صافي
لقيت الشور ما ينفع ويقعد عيلة الغادين=على مثل ايش ابا انفخ لي على كير وهو طافي
يقوله واحد راضي على الاقصين والادنين=وكل هلال لا بده انه بيكبر وينشافي

[الطائر المهاجر]

كان فندق ناشيونال في ميدان إبراهيم باشا في القاهرة مقر كبار الشخصيات العربية الذين يزورون القاهرة، وفيه يتجمع أتباعهم وزوراهم وعن هذا يقول لويحان:

طبيت مصر اللي به اجناس واشكال =واشتقت اولف لي بيوت جديدة
دخلت ناسيونال ياكثر الازوال =الكل منهم من ديار بعيدة
أحد يسلم ردة مالها امثال =ينشدك لين انك بعلمك تفيده
واحد إلى ما انه صدف يمه الفال =دنّق براسه تقل يقرا جريدة
ياعل راسه عن علابيه ينزال =آمين يا منشي الغيوم السديدة

[صعبة المنال]

يعطيك العافية


صعوووووووب

[نفحات حساسة]

تسلم اخوى..يزيد على طرحك
ويعطيك العافيه

[عالي مستواها]

يعطيك العافيه على النقل

[حي الضمير]

منقول رائع لشاعر جزل
وبيض الله وجهك يابوعبدالله

[عمر ال شيبي]

صح لسانك الشاعر وسلمت لما قدمت لنا

[داعي الشوق]

رائع جدا

سلمت الايادي و يعطيك العافية

***********

[عبير الورد]

تسلم الايادي على النقل المميز
يعطيك العافية