ماهو برنامجكم ليوم الــعــيــــــد ؟ ؟ من فضلك ادخل وشارك ...

[شوق]

المشاركة الأصلية كتبت بواسطة مالقيت اسم يعجبني

السلام عليكم

وكل عام وانتم بخير

برنامج يوم العيد زي كل سنه نصلي العيد

ونروح لبيت واحد من العائله ,,,,,,, أول العيد كان في شارع صغير ( سكه ) بس غيروا النظام

( تعرفون إحنا كثيرين كننا خلية نحل إذا إجتمعنا )


ونسلم على الأقارب ونتعيد عندهم

النظام أول كلن يجيب عيده معه بس اللحين لا اللي جامعنا في بيته يقول العيد علي

بعدين نروح نسلم على الشياب والعجز والخالات والعمات كلن في بيته

وأهم شي في العيد حلاوة العيد ولا وش العيد بدون حلاو

هلا مالقيت اسم يعجبك

ياحلو عيدكم بسيط زين فيه حلاو بس وش نوع الحلاو بلجيكي غير مغلف ولا حلاو جدات

هههههههههههههه

يسلموووووو على المشاركه يكفي ان عيدكم كله صلة رحم سلام على الاقارب هذا بحد ذاته

فرح

تقديري

شوق

[سناعيس]

الأخت الفاضله شوق

كل عام وأنتي بخير
موضوع جدا رائع
لمعرفة التباين في طريقة الاحتفال بالعيد

وأنا عن نفسي والعائله والأقرباء
نقوم بإستئجار استراحه كبيره في الرياض طبعا قبل العيد بفتره كافيه لأننا يمكن نقعد بها ونتوهق ولا نلقى استراحه اذا ماحجزناها بدري ... المهم لازم يكون فيها قسمين للنساء والرجال ويشترط أن يكون في قسم الرجال ملعب لكرة القدم
نجهز أنفسنا بعد صلاة العيد للتوجه الى هذه الاستراحه ونجتمع هناك ونعايد بعضنا ونحتسي شيئا من القهوة مصحوبة بحلاو العيد طبعا ومن ثم نجهز الموائد التي جمعت من كل عائله وعادة ما تكون من الأكلات الشعبيه ثم بعد ذلك نتبادل الأحاديث كل يتكلم من جهه وكل يتكلم بجواله لمعايدة من هو خارج الرياض من جهة أخرى وعادة ما يتسبب ذلك في إزعاج بعضنا بعضا هههه وبعد ذلك يقوم الكثير ومحاكيك واحد منهم للأسف في التفنن في اللألعاب الناريه من صواريخ وطعميه وكبريت وفراشات وقذائف تصحي الميت الله يدفع البلا ونكون وكأننا في تورا بورا خخخخخخخخخ وكل هذا مع ملاحظة أننا لم ننم ليلة العيد طبعا .. انتي عارفه نوم في النهار وشي طبيعي لا يأتينا النوم ليلة العيد وعندما تشير الساعة الى 11 صباحا يكون الأغلبيه منا دايخ <<<<<<< قل نوم وازعاج وصواريخ وشروخ وكثر كلام بس كل واحد منا مايدقق لأنه أصلا بيكون في نفس الحاله . وعادة اللي قلبه فضيخ يقدر ينام له شوي والغالبيه مايقدرون ونستمر الى المساء ومن ثم نجهز أنفسنا للعب كرة القدم عاد تعالي الله لايوريك نلعب وكل واحد يشوت الثاني ويخلي الكوره لأننا دايخين خلقه وكل واحد يتهم الثاني انه هو الغلطان والقاضي بيننا أصلا يبي له قاضي ولاهو فاضي
ولكن والحق يقال بأن هذه الطريقه توفرعلى أنفسنا عناء المشاوير للسلام والمعايدة لبعضنا بعض في أماكن متفرقه من الرياض ومثلك عارف الرياض ومشاويره بس والله وناسه مره

المعذره على الكلام بالعاميه بس أحس انها أحسن شيء لإيصال الفكره

كل عام وانتم بخير

تحياتي

[الريم]

شوق حبيبتي

طرح راائع تسلمين الله يعطيك العاافية يا رب

واما حنا برنامج العيد حقنا اننا نروح نجتمع كلتا ببيت جدتي ويبدون يجون الناس ويسلمون علينا


وصراحة انا مره خقيت على عيد ام زياد

ما ودكم نجي نعييد معاكم صراحة هذا العييد ولا بلاش

[بارقةأمل]

شوق حبيبتي المكان يوسع مية من الحبايب

وتدرين فتحات حبال الخيمة عدي وخربطي خخخخخخخخخ----------وإللي مع الدريشات الصغيرة

ولاماقلت الباقي إستحيت والله كل ماسمعنا منهم أغنية نقازية شاشو هالبنات وياللا هات يارقص ً

ورى هالرواق هههههههههههاها


الريم هلاوالله -------------------حياكم العيد عيدين إذا جيتي وشفناكي

[شوق]

المشاركة الأصلية كتبت بواسطة المغترب

مشرفتنا الفاضلة شوق

اولا كل عام وانتي والجميع بخير

والعيد خارج الوطن لاطعم له ولا تعرف ان في عيد الا تذكرك قريب او عزيز واسعدك بالاتصال


تحياتي دمتي بخير

هلابك المغترب

وانت بخير وعافيه

تصدق والله العظيم كسرت خاطري <<<< عطوفه

ياليتك هنا مع اهلك بالعيد

واعتبرنا بالمنتدى قلوبنا معاك

وراح نعايدك ونفرح قلبك ونعوضك

الله يردك سالم لأهلك

تقديري

شوق

[شوق]

المشاركة الأصلية كتبت بواسطة مشاعر

طبعاً من الليل أبدأ أعلق الزينات والورود والبالونات الملونه واللمبات الصغيروناااات <== والله امووت في

هالحركات

واخلي بيتنا روضة اطفال مو بيت خخخخخخ

: )

هلابك مشاعر

بيتكم اتخيله مثل فصلي يوم كنت بثاني ابتدائي فصل (أ) كنا ننافس فصل (ب) بالزينات

000

المشاركة الأصلية كتبت بواسطة مشاعر

وعقبه نرجع البيت وزوجة اخوي مرتبة الأوضاع وحاطه في مجلس الرجال ( المشب ) قهوتهم وشاهيهم وحلوياتهم

ومجهزه حقات الحريم بعد

مشاعر ... وهالضعيفه زوجة أخوك وراها ماتروح معاكم تصلي

ترتب لكم مالكم خاتمه

000

المشاركة الأصلية كتبت بواسطة مشاعر

ونسلم على الشيبان والعجايز واكيد يعطونا عيديات <== عمتي دايم تعطيني

خمسميه وان شاء الله هالعيد الف طماعه انا صح خخخخخخخخ

أخاف عيديكم من هالشيبان والعجايز حلاو منتهي صلاحيته تتوهقون بالعيد

ماتطلعون تتمغصون وحالتكم حاله تعرفين كبار بالسن مايدرون متى ينتهي يخزن بالغرفه

متى ماجا وقته وزع بلا صلاحيه بلا هم

000

المشاركة الأصلية كتبت بواسطة مشاعر

اممممم وش بعد هذرتي واجد بس يالله اكمل

وعقبه نرجع لبيتنا بعد مانهد حيلنا ونرتاح شويه وتبدأ العزايم والردح والرقص ^___^

وعقب نروح زيارات خارج المنطقه لقرايبنا اللي بعيد ونروح للملاهي

ووووووووووووووووووووووووووو والشريخيات نسيتها انا مااستغني عن الصاروخ والفحم ^__^

لازم اشتريه وهذي اللي تطلع ألوان في الليل مادري وش اسمها ابوي يولعها في ليلة العيد ..

وبس تعببببببببت والله

: )

نبي هذركم كله لاتخلون شي مخزن

نحب هذركم

مشاعر ... شجاعه منتي مثلي أخاف حتى من الثوم إذا رموه البنات قريب لي صرخت سمعوني الرجال

يسلموووووووووووووو مشاعر عيد رائع برنامجه

عيدكم مبارك قبل الزحمه وانتبهي لايجيك إصابه من الشروخه

تقديري

شوق

صباح الخييييييييييييييير


اول ما يطلع فجر العيد تشوفون الخبصه بالبيت

اللي مضيع ثوبه واللي ماحلق

واللي واللي


المهم عيدنا عفسه في عفسه

وبصراحه انا برنامجي دايم كل عيد اذا كان الجو اوكيه

اسلم على البابا والماما واعايدهم واقعد اول عيد بالبيت استقبل وودع

ثاني عيد اجهز اغراض الكشته ونكشت اسبوع حول الااسبوع


يعني اغلب العيد بالبر
هههههههههههههههه


شيييييييييييييييييي


تحياتي


اخوك

مساء الخيييييييييييييييير حبيبتي_ شوق

يعطيك العافيه على الطرح الرائع ....وكل عام وأنتي بخير يا قمر

أنا عن نفسي بيوم العيد الصباح أجلس أتزين وأتكشخ اللين يجون اهلي من صلاة العيد وإذا جوا نجتمع كلنا

أخواتي وأخواني نعايد ونسلم حق بعض ونوزع حلويات وحركات العيد لبعض بعدين نصور مع بعض علشان

تبقى ذكرىو إذا جت الساعه <8>نروح أحنا الحريم لأستراحة واحد من أقاربنا نجتمع كلنا فيها وكلن يجيب

عيده معه وإذا جت الساعه<11 >نطلع ونروح نعايد اللي في بيوتهم ونمر بيت بيت وإذا جاء في الليل نطلع أحنا

وأخواتي وأخواني للإحتفالات اللي في الرياض والمنتزهات اللي في الثمامه ونتعشاء مع بعض وثاني يوم الليل

مسوين أحنا وأقاربنا الحريم قطه في إستراحه داخل فيها الطقاقات والقهوجيات والعشاء ونطيطات للبزارين

وانوااااع الوناسه والفلللللللللللله ولا أنسى الصواريخ اللي ثلاث أيام مانذوق فيها النوم منها


~~~وكل عـــــــــــــــــــــــــام وأنتم بألف خيـــــــــــــــــــــــــــر ~~~

شوق
كل عام وأنتم بخير
دائماً يوم العيد يتكرر ببرنامجه على مر السنين (العادات والتقاليد) إلا في حالة السفر خارج الوطن
صلاة العيد ثم معاودة الأهل والأقارب ومن ثم غداء العيد حيث أنني أسكن في البيت الكبير والقيلولة ومن ثم يبدأ عيد الأطفال بالذهاب للألعاب والتمشيات وآخر الليل مهدود حيلك وتستلم المخده .
تحياتي

[داعي الشوق]

الف شكر
على ماجاد به قلمك
تحياتي الطيبه