رمضان قرب يابن عمي زهابك

[احمد الكثيري]

هذا النص للشاعر رمضان المنتشري

وينك تعبت استن حضرة جنابك=صابر على فرقاك والقلب مجروح
ردي شبع مني السهر في غيابك=لاني بلا حي(ن) ولاني بمذبوح
اسهر من اجلك واتجرع عذابك=واسمع حمام الورق لاناح وانوح
ماكنت اقول انالقلوب اتشابك=تصبح كما لوح(ن) مشبك على لوح
الين قلبي هدني والتوا بك =ادخل على الله لاتروحين واروح
اموت في حرفك ولطفك وادابك=واذوب في (طيب) وتامرومسموح
قلبي بدابك رحلته وانتها بك=مالي مع غيرك من الناس مصلوح
اشتاق لك واحب حتاعتابك=والقلب يطبخ لك من الشوق ويفوح
يعني ركابي وقفت عند بابك=لكن تكفين اتركي الباب مفتوح
ضامي وادور لك وأدور شرابك=ماشد من بعدك سوا نزعةالروح

وهذا النص مجاراه لما كتبه الشاعر رمضان اتمنى ان يحوز على رضاكم

رمضان قرب يابن عمي زهابك = على ديار حبيّبك باكر نروح
رمضان لاتشكي وتكثر عتابك =ترى الهوى ضحكه وسولاف ومزوح
ان كان تشكي من حبيب (ن) رمابك= هذ نصيبك وما كتب لك على اللوح
وان كان تسهر لجل منهو انتخابك=فصبر على ماجاك والقلب مشروح
لأشاف زولك قال أهلا هلابك=فسهر لجل ياصاحبي ضبي مملوح
وان كان من تهواه جد د صوابك=فنصحك جنب ديرته وحذر البوح
قبلك شكى غيرك وعاش اغترابك=في كل ليل حبيبه بيده يلوح
أرجوك تعلن الصديق انسحابك=دامك بحب حبيبك صرت مفضوح
مادامته في صدته ما يهابك=عنّه تبعد وأنت بالطيب ممدوح
لاشفت زوله يافتى صك بابك =خلك جبل لاتكثر البوح والنوح
هذي نصيحة ود لحضرة جنابك=من واحد(ن)ياكم شكى حب مملوح
ابعث بها لك واترقب جوابك=حتى ولو ماكان لي أي مصلوح

[الطامي]

الكثيري صح السان الشاعر والسانك
رائعة جميعها
وشكرا لك على اتحافنا بها
لاهنتو

[داعي الشوق]

صح لسانك يا شاعر النص و المعنى

و صح لسان رمضان

مجاراة جزله