الشاعر منصور المري مع الشاعر سلطان النحا

[بنت النور]

يقول الشاعر / منصور المري

مناسبة القصيده: في عام 2004 زرت مدينة الجبيل ومررت على الأخ الشاعر / سلطان بن غانم بن مهنا الرشيدي (( النحاوي ))
وقد قام بحق الضيافه وزادها بهديه نادره جدا وفيما بعد لم يقبل مني هديتي ولم ادري ماهو الذي بيجزيه عني كمكافئة الا هذه القصيده التي بين ايديكم علما انه رد علي باحسن منها ،، ولي معه مساجلات طريفة وطيبه غيرها ،،، والعاصمي المذكور هنا هو (( عبدالله بن محمد العسيري العاصمي ))ابو براهيم من اهل الجبيل الصناعيه ،، ونعم الرجل وهو زميل للجميع




اقول فيها مندبها له :-



-----------



ابدي بذكر الله علـى القيـل والقـال
الواحد اللـي لـه عبـاده يصلـون




يالله طلبتـك يامجيـبـن اذا ســال
ياوامـر حجـاج بيـتـه يلـبـون




انـك تعافينـي اذا طـال المـهـال
توبة نصوح اشهودها دمعة اعيـون




من عقب ذا قم يانديبي وفي الحـال
قرب لنا اللي من الوكاله ومضمـون




عليه من دشـن الكويتـي وطربـال
وتوانكيـه والتـوايـر ومــازون




عبه مـن الممتـاز خـل التمهـال
فوق الميه والزود حطـه بمخـزون




لاكن صوته لاعرض صـوت زلـزال
وصوت الرعد والا الفحل حين يردون




ما هو يوقـف بالمراكـز ولا سـال
معفي وعـاده لا درو بـه يغضـون




عليـه جبـار ذبـحـه التغـربـال
في ما مضى ذكره مع اللي يقولـون




قد لاعتـه صكـات بقعـى تبهـذال
نبغي نجـدد لـه قديمـه وممنـون




يسري من الدوحه واحمله مرسـال
حمل خفيف ويعجـب الـل ييغنـون




قبل الفجر يدخل على ذرب الافعـال
عند الرشيدي بالتراحيـب والعـون




من سربة الى اعتلت شهب الاذيـال
لاثار دخان المشوك ضحـى الكـون




لاطوحت تنخـى مداغيـش العيـال
ترمي المليثم تنعـت اللـي يـردون




جوها هل الرده على كـل مشـوال
مثـل ابـو غانـم لابتـه مايقفـون




زبينهم ينزل حجـى نايـف الجـال
وخويهم والجـار مابـات مشطـون




وارجع واكرر كان ينشد من الحـال
حنى بنعمـة خيـر اللـي يطـرون




واهـم عساهـم طيبيـن بالاحـوال
الللي بغرب ووسط واللي بعد هـون




وقله على الساني بش علـى البـال
شي كثير مانحصى لـو بيحصـون




يستاهل الأولى وهـي لـه بالامثـال
ودايم هل الاولـى بخيـر يفـوزون




والله يعاوني على الـرد لـو طـال
وكلشن شوي بحقهم لـو بيـدرون




امدح انا الطيب على روس الاقـذال
والا الردي جعلـه يولـي بطاعـون




واسـرع مـن هـذا اكلـم بجـوال
والا بفاكس العاصمي جعل مايهـون




وارجو المعذره كان قصرت الاقـوال
ماقـل دل بزبـدة اللـي يهرجـون




رد سلطان الرشيدي (( النحاوي )) على قصيدتي:



----------



بديت باسم اللـي لـه الحـال تنحـال
الواحد اللي بالبحر عـاش ذى النـون




اللـي الـى مـن راد بالفعـل فعـال
جـل جلالـه واحـد يحمـل الكـون




عـلام دورات الليـالـي والاجــال
اللي خلق خلقـه وكلـن علـى لـون




جل جلاله واحـد يحصـي الاعمـال
الواحد اللي عنده الـرزق مضمـون




وبعـد ذكـرت الله عـلام الاحـوال
غرفت من زيـن القوافـي بماعـون




ليا جاك من وسط الصناديـق منهـال
هاض الضمير وجاب من قيل والحون




ارمي ضعيف القاف واختار الاجـزال
اصرف ذهب واجنيه من وسط مخزون




حي الجواب اللي لفـى فيـه رجـال
العاصمي جابه وانـا منـه ممنـون




جاب الجواب اللي على الراس ينشـال
ورحبـت بالجـواب ترحيـب مليـون




جواب مسطـور النشامـى والابطـال
الرجل وافي والمثـل فـن مـوزون




ومن بعدها ياراكـب فـوق سربـال
سربـال قطـاع الفيافـي ومضمـون




سربال دار الخـوف لاسـرب الـلال
الـى بـدا لـه ديـرة دونهـا دون




ليا زم سراب الـدار بسهـال وجبـال
وكظ الشجيع القلـب وانكـن مكنـون




عليـه قــرم للمهـمـات شـيـال
ومشى تجاه الشرق لارض يريـدون




لدار لبن ثانـي بهـا الطيـب فعـال
وكثير مـا سمعـت بالقـول يثنـون




والى لفيـت بـدار ذربيـن الافعـال
عند ابـن منيخـر وقفـو لاتعـدون




لاشافكـم منـاك جيـتـم بالقـبـال
يحذف العمامه يافتـى حيـن تلفـون




اول اقراكـم فـن والـبـن بــدلال
ايفـوح شـم البـن قبـل تذوقـون




مهيلـه يطـرب لهـا دايـخ البـال
يصبغ على الشراب شيفه على لـون




وثاني القرى حيل مواحيـل وجـزال
بصينية يشبـع بهـا مـن يريـدون




فعله وفعـل ابـوه وجـده بالاجيـال
من لابة ترمي العشا ساعـة الكـون




لاجـا نهـار فيـه امشيـر وعـذال
عاداتهـم بالحـرب للمـوت يـردون




الى اعتلو من فوق عجـلات الازوال
كم خلصو من ديـن للديـن مديـون




مريـة يامتعـبـة كــل مـرمـال
وياما انحنى من طعنهم كل مسنـون




والى سأل حنا ترى باحسـن الحـال
ناقص علينا شوفهـم لـو يـزورون




سلم علـى منصـور ماهـل همـال
وسلم علـى ربعـه واللـي يعـزون




سلم علـى المـره عـدد زايـل زال
واهل قطـر سلـم عليهـم وممنـون




حكامهم مـع شعبهـم عـد ماطـال
لاعلهـم مـن كـل شـر يعتـقـون




وتمت بذكـر اللـي الـى راد فعـال
وصلو على المختار ياللـي تصلـون



وسلامتكم منقوله

[الطامي]

بنت النور
صح الساني والسان النحاوي
ولاهنتي على نقلها هنا واتحافنا بها
شكرا لكي

[منيع]

مساجلة ولااروع ويستاهلون الطيب وهم هله
شكرا على النقل يااخت بنت النور
تحياتي

[عبدالله الشويمان]

صح السانك يا ابو محمد وصح السان الرشيدي

رديه رائعه وجزله من الطرفين..

دمتم بخير ولا هنتو جميع

[داعي الشوق]

صح لسانك يا منصور

و صح لسان سلطان

ابدعتوا و وفيتوا و كفيتوا

ولاهنتو

[الطامي]

الشويمان
صح بدنك
وشكرا لمرورك
لاهنت

[الطامي]

داعي
صح بدنك
وشكرا لمرورك
لاهنت