صيد الشات اواخر رمضان 1437 الطائر-الطامي

[الطامي]

شفت بالحلم رجل لابس نظاره=وسط خيمه والخلايق من حوالينه جلوس( الطائر
يتفتف ويقرا ولا احدٍ عارفٍ اسراره=غير واحد يعرف انه هاويٍ جمع الفلوس( الطائر
قلت من هذا وقال شيخ باني له عماره=من فتاوي او بفك السحر من بعض النفوس( الطائر
شيخنا الطامي نعرفه من زمان بالطهاره=غير احيان نشوفه يرضع بثدي البسوس( الطائر
===================
طامي بيعرف خراجه مع صلاحه بالعباره = دامها بالقول رده جاهز بليا طقوس(الطامي
وان لفت له بالتهامى والقشاره والعياره = يعرف المجنون والعيار ومن هو العيدروس(الطامي
شايفٍ له شلة تسعى تبقي له دماره = ماتعرف الجن وعياله يضبطون الطقوس (الطامي
كيف يصطاده حنش وهو سيفه في ازاره =هو يحسبه يحسن الهرجه ويضبط له دروس(الطامي
يبي يمسك عكرة العيار ويسلم من غباره = ويضربه فوق الوتين وتنتهي الحرب الضروس(الطامي
===================
خابرك شيبوب تهرب عند حرب وعند غاره=ومن يشوف غبار رجلك قال قير ابلا تروس(الطائر
لا انت لاعنتر ولا ابو زيد بالحرب بجساره=تمتدح نفسك وحنا نعرفك دايم تحوس(الطائر
شايل سيف الخشب ورافع رايتك تاره=ولا حصرك القوم تهرب او على حمارك تحوس (الطائر
===================
ماعلينا من صراخك هاذي عادات الحضاره = ولاعرفت الصادقه تلتف خلف ام الغروس (الطامي
مير خلك لاتحاول تاتي بدُرة محاره = انتبه بحر العرب مخطور باطرفه حروس (الطامي

[منيع]

هههههههههههههه
رائعه منكم
تحياتي لكم

[هترل]

هههههههههههه
ما يعرف لك غير المري يالعود
صحت السنتكم ولاهنتو

[الطامي]

منيع

صح بدنك
وشكرا لمرورك
لاهنت

[الطامي]

هتررل
صح بدنك
وحده صوبنا عشان احدره مع كرى
وشكرا لمرورك
لاهنت