صيد الشات هترل×الطائر 2

[الطائر المهاجر]

8 شوال 13 يوليو 2016

الطائر=
بالسود تلقى ما بغيت من الدفا= وبالبيض تلقى ما تبي وقت المصيف
الله خلقهن للرجل يتلحفا = والله خلقهن للرجل فراش نظيف
لكن الله ما ومر ان يسرفا = يكفيه ثنتين يخلنه شريف
هترل=
السود وانت ادرى بهن وجه وقفا = والبيض فيهن النذاله يالطيف
الله خلقهن عوج لو كانن شفا = ودواء لبعض جروح رجال ضعيف
لكن يازين العزوبيه وكفا =توفير للصحه ومالك ياظريف
الطائر=
وشبك عليها ليش فيها تدفدفا=كل ماتبي تبغى لها رجل عفيف
اما اذا داشر ودربه لفلفا= مايمنعه شي ولو اطرم كفيف
او كان مثلك مقحط ما يسلفا= ربعه ويضربهم بدينٍ لو كليف
هترل=
المشكله مابه شكر ولا وفا = تجحدك لو مخلص وفي طبعك شريف
الطائر=
تجحدك دامك في هروجك تبلفا =وتكذب علاها بالهروج اللي تخيف
لكن اذا شافت رجل مثلي كفا= تعبده حتى الموت لو يرجف رجيف
هترل=
مثلك تشوته بالعلن ولا الخفا = تلعب علانا ياجودي ودمك خفيف
الطائر=
مثلي متدين ماحد قال عنه افا= مهوب مثلك مثل تيس له لفيف
هترل=
مثلي يكفيني ليا قالو صفا = في نيته ولا له مع الهافي وليف
الطائر=
ماشفت من عنز تبي له تلغفا=حتى ولو بالبر تسمع لك وحيف
هترل=
هرجك يدل انك تحب اهل الجفا = اللي يحثونك على الدرب المخيف
الطائر=
من شاف شكلك شاف شكل السلحفا=مترين كرشك والقفا متر ونيف
ما تاصل لحرمتك من وجه او قفا= برميل غاز لاانفجر تسمع وحيف
يسمعك جارك لو بجدران اختفا=ومن مر بالشارع تلطم يالطيف
محد يباك ولو دفعت الأنيفا=يبون مثلي دام لي جسم نحيف

[منيع]

هههههههههههههه
تسلمون أيها المشاكسون الرائعون
تحياتي لكم

[هترل]

صح لسانك يابو عبدالله
وعسى الله يفكني من شرك

[الطامي]

ههههههههههه
بينكم نجخ لايوصف
صح السنتكم
ولاهنتو

[بن باشان]

ماشاء الله