ياوجودي يوم جيت المرابع والديار

[الطامي]

مجارة مني لأبيات الشاعر حمد العجلان المري

حمد يقول :-
ياوجودي يوم جيت المرابع والديار
والرسوم الي محتها السنين الهايلـــه

اشهد إن جي المنازل وتجديد الاثــار
نقّضت مابي وهاض الحشى مثايلـــه

تل قلبي تل نــادر قرانيس الحـــــرار
حـاذف ٍ مــوسه ولا شلتــه طـــوايلـــــه

جعل يسقى لكمل كل ريشه ثم طــــار
وانتحى قبله لو الشمس قدهي مايلــه

خاطــــري داروه يالي تروحون المطار
مــارغبتــه لـو تعــدد علي وسايلــــه

والله إن ودي مراحٍ على لي خط قـــــار
موتري تحتي وما احتجت كله شايلـــــه

زين مسراحٍ مع الصبح وبكور النهــــار
عايف ٍ مسرى الغداري وممشى القايله

لاح بــراق ٍ شعفني بنــوضه واستنــــار
سعد من هلت على مدهله مخايلــــــه

بشروني بالحيا واتحــرى ويش صـــار
واترجـــا حــل للي زمــان نحايلــــــــه

مبطي ٍ من سجت الرجل بالقاع العفار
عقب ماعلّت وروس الزبايــر سايلـــــه

جعل شوف السيل من عقب زمات الخضار
بعد شوف الي قطــع بالوصل

.....المجاراه مني👇 .........

هاضني قاف سمعته سوى لي دمار
عقبه القلب المشقوى بدت عمايله

ضاق بي الكون والثوب وارخيت الزرار
وكن هم الناس فوق البسيطه شايله

ونتي ونة خلوج على تالي حوار
مابقى الا البوُ فوق الرحول تخايله

ولج صدري لج خلفٍ ورد اخر نهار
غبقةٍ للماء وفيها مشاتي وشايله

وزوع قلبي زوع طير قطع ثم استذار
اقتفاه العج والشمس قدهي زايله

ياحمد هيضتني والنوايا لي إكثار
لعنبو من هو يلومك لابو قبايله

ودي انهج والمقادير مامنها فرار
ومقبلة الايام بالله وشهي هي قايله

اتحلا بالصبر بالكثير من العذار
واذرف الدمعه لماضي قفّت رحايله

يالله انك تصلح الحال بفلكٍ لاستدار
وتفرج الضيقه من وقتٍ شفنا هوايله

[منيع]

ماشاء الله مجاراة رائعة ومميزة والله يديم المحبة ولايفرق الشمل
شكرا لكما
تحياتي

[الطائر المهاجر]

صح لسانك ولسانه
لاهنتوا
تحياتي

[الطامي]

منيع
صح بدنك
واللهم امين على دعاك
ولاهنت

[الطامي]

الطائر
صح بدنك
وشكرا لمرورك
ولاهنت

[داعي الشوق]

صح لسانك ولسان حمد المري
قصيده ومجاراة جزلة في معناها

شكرا لاتحافنا بها ابو محمد

[الطامي]

صح بدنك بو سعد
وشكرا لمرورك وتعليقك الاجمل
لاهنت