ياطير يالي منظر للفرايس

[نجم الإبداع]

ياصاحبي غلطان وش فيك حلي=الجود مطلب دين مابه بخايس
والبخل ذمه ربنا ذو التجلي = شوف الخليل وخل راعي اللبايس

[الطائر المهاجر]

كلش بوقته زين مابه تسلي = واليوم غير الأمس ليش المرايس
وترى الكرم لاصار وضعك مجلي= مالله ومر به واقر الآيه وقايس
في التهلكه لاتلقو اليد تدلي= من شان تمدح بالكرم ونت بايس

[نجم الإبداع]

ماهو عشان المدح والا التغلي=على العموم اكتب لو الضيف دايس
اما الدعايه بالكرم ماتحلي =لاهل العقول حدود ماهم يبايس
الظيف عطه حليب من بامجلي=والا تعذر له وبيدك دبايس

[سناعيس]

ابن منشار
الطائر المهاجر

قواكم الله

[الطائر المهاجر]

اية كرم تذبح حليب بن مجلي = خل الكرم لاهله وليا تعايس
ان كان ما عندك مفطح تولي = قالوا بخيل ولو زمانك مرايس

[نجم الإبداع]

ياعود ماجينا سوى للتسلي = ومقابلة شرواك فيها رمايس
خابرك يادكتور مانته بخبلي=لك تجربه والعلم زادك فرايس