زااايف الوقت ***

تحية طيبه للجميع

مصافحة جديدة

آمل أن تنال إعجابكم واستحسانكم

كم واحدن يذكر خويه ليا مات = وكم صاحبن تنخاه في وقت شدّهـ
وكم شخص يحضر لك ليالي مسرّات = وكم شخص غايب رجّـعته المودّهـ
وكم ليل قاسيته سهر مع معانات = تسهر تناجي شوق تحسب تردّهـ
ما للرجاوي غير ناس المروّات = اللي غلاهم ما يجي من يحدّهـ
وما للهموم إلا صدورن وشبات = لا ضاق صدري شبّت النار وحدهـ
يالله عسى درب الوله فيه لفّــات = لا يلتقي دربي على درب جدّهـ
مالي ترا في درب كلّه مطبات = بترك أنا درب الشقا والمكدّهـ
كم لي أعاني جرح وأصبّ الآهات = وأشرب فناجيل امتلت نار بعدهـ
حالي تردّى وانكتب فيه وصفات = أزريت أعضب الوقت وأزريت كدّهـ
الباري الله ما بقى غير صدمات = سـمـّـن شربته ذاب مابين شهدهـ
الكل له وجهين والكل غايات = وأنا طموحي غايتي في مخدّهـ
بحط راسي وارتخي للمسافات = واللي يجي به وعد قد فات وعدهـ
ياما تنكــّس بي من العام رايات = وياكم بنيت وزايف الوقت هدّه
حط بضميرك للخطا فيني أوقات = لا تأخذك فيني من الحكم شدّهـ
إن كان فيك الود والشوق لحظات = أنا رضعت الحب من أصل نهدهـ
غلطت زماني في زمان الخطيـّـات = أخطيت وأدفع صافي الدمع مدّهـ
طال انتظاري موسمن فيه خيرات= النفس شحّت في زمن زاد بردهـ

[الصريح العتيبي]

الاخ/تركي الدغريري
صح لسانك واعتلى شانك
لاهان راسك
دمت بخير حال

[علي محمد العتيبي]

ياما تنكّس بي من العام رايات
وياكم بنيت وزايف الوقت هدّه
حط بضميرك للخطا فيني أوقات
لا تأخذك فيني من الحكم شدّه


ياسلام عليك ياتركي

ابداع وامتاع

لله درك من رائع

صح لسانك مليوون


اعجابي واحترامي

مالي ترا في درب كلّه مطبات
بترك أنا درب الشقا والمكدّه

تركي

صح لسانك

ابيات جميله الله يعافيك

تقبل مروري وتحياتي

[وجدان القلوب]

صح لسانك شاعرنا تركي....
ولاهنت ع القصيده الرائعه...

[عبدالله راشد الثويني]

إن كان فيك الود والشوق لحظات
أنا رضعت الحب من أصل نهده

الله عليك
مبدع ياتركي كعادتك
أتحفتنا
سلمت أناملك
نطمـع بجديدك
وُدي

قصيدة جميلة صح لسانك

[خالد العمري]

نزف القصيد

تركي بن محمد الدغريري

بكل صرآحة انا من متابعين حروفك بإستمرار وإن قلت الردود
لأني أحب أن أستمتع بها في لحظات سكوني وهدوئي
وهذه الجزلة إنما تزيد من سكينتي المزيد والمزيد
رعاك المولى عز وجل وحفظك لمن تحب
وصح لسانك وسلم رأسك

[حي الضمير]

الله عليك ياتركي وش سويت بهالقصيده التي يشع منها نور الابداع
امتعتنا بارك الله فيك وصح لسانك ياعذب
وسجل اعجابي وتقديري الدائم

[ابراهيم عبدالحميد]

كلمات و معانى قمه فى الرقى و الإبداع
ابداع مستمر وتالق دائم
دمت وسلمت لنا