الشاعر القدير : بن خزيم و>الواجب واجب

[ســُلاف]

عادات بعض الناس ياهي غريبه
عايش بنعمه والرحم ما وصلها

والحال هذي اشهد انه مصيبه
كيف القطاعه بعضنا يحتملها

صار الرجل يأخذ برأي الحبيبه
ولا يعرف الا سكة يم أهلها

في حارته ما زار حتى قريبه
أمه تموت ومات معها زعلها

والأب يطلب ربه انه يجيبه
يشوف ابن للرحم قد هملها

الواجب أوجب والليالي عجيبه
عن القطاعه ليت نلقى بدلها

والخير باقي والرجل من نصيبه
يافي مع الأقراب دوماً يصلها

يصير رمز للتواضع بطيبه
يزور ناسه لو يسافر لجلها

قصيدة تستحق النشر تحمل رسالة
صح لسانك يابن خزيم
وبارك الله فيك يابن ماضي ومو غريب عليك الوفاء

الشاعر مبروك بن ماضي

مشكور على موافاتنا بهالخبر

وابن خزيم شاعر يستاهل الغانمه شرواك

[محمد بن عبدالله السلمان]

مبروك بن ماضي
لاهنت على النقل والمعلومه
وبن خزيم صح السانه

[نجم الإبداع]

شكرا اخوي مبروك على التنويه

ويستاهل ابو ابراهيم

لاهنت

فائق الاحترام

[الخنساء]

شكرا اخي الشاعر بن ماضي

ولاهان الشاعر عبدالكريم

ودمتم بخير

عبدالكريم بن إبراهيم بن خزيم

عادات بعض الناس ياهي غريبه =عايش بنعمه والرحم ما وصلها
والحال هذي اشهد انه مصيبه =كيف القطاعه بعضنا يحتملها
صار الرجل يأخذ برأي الحبيبه =ولا يعرف الا سكة يم أهلها
في حارته ما زار حتى قريبه =أمه تموت ومات معها زعلها
والأب يطلب ربه انه يجيبه =يشوف ابن للرحم قد هملها
الواجب أوجب والليالي عجيبه=عن القطاعه ليت نلقى بدلها
والخير باقي والرجل من نصيبه =يافي مع الأقراب دوماً يصلها
يصير رمز للتواضع بطيبه =يزور ناسه لو يسافر لجلها

انشد انه صدق

صح السان الشاعر
وتسلم اليد التي نقلت الموضوع
تقبل مروري
اختك صمت

[حمد العيد]

القدير / ابن ماضي

تسلم الانامل على نقل مثل هذه المعلومات والتغطيات عن شعراء غالين علينا

ويسلم لنا الغالي ابو ابراهيم

ودي وتقديري

حمد العيد