سناعيس اقلط الله لايهينك هلا ومرحبا

[سناعيس]

مدام انا ركبنا كلنا مثل ماقلت بالصندوق=أجل وش قصة النيران واللي كنت تطريها
فلاح انته بلاك من الفكر عندك غدا مشقوق=ولاتعرف طبايع نجد ولا انته فاهم فيها
ورى هزلك مثل جدك سواة اللي بدا مخنوق=عجزنا نفهم ألغازك من الرمعات معفيها
الا ياصاحبي خلك مثل طيرٍ قطع لسبوق=يكفخ بالسماء يهوي على الصيده ويهفيها

[نجم الإبداع]

هلا ياصحابنا والعذر بالتاخير رغم الشوق = نسيت البارح الموال غارق في بلاويها
انا قصدي انتعرف بالرجال وما نويت البوق = على وضح النقاء والمخطيه ماحدن يعديها
وما دام اجتمع شمل الاحبه واشتباك حلوق = فهات الي نشدنا عنه ياناكر مراميها
علامك مخفي اسمك يارفيقي كنك المشفوق = اخاف الانفصام يصيب نفسك كيف ترديها

[سناعيس]

اذا كانك تعد المشكله باسمي وعجزت تروق=هلي شمر (سناعيسٍ) تراهم انتخوا فيها
وانا ماظنك محقق وانا لك ماأكلت احقوق=ويلا من حانت الصمله أمدك في معانيها

[نجم الإبداع]

هلا بك ونعم في ربعنا شمر عزاز عروق = وساع اصدور ياحيا قبيله نفتخر فيها
انا ياصاحبي من هالاسامي يخطي الزاروق = ولكن عقب علم الطيب هات الليله صافيها

[سناعيس]

بالمهلي هلا ومن الهلا الف وعليه طبوق=وترانا كلنا منها خلقنا وربي حطنا فيها
ولاعن ربعنا زهران ان كانك تنمي مخلوق=زياده مدح بالطيبه ولاتحتاج طاريها
ترى ماهو دليل هالأسامي معرضه للبوق=كل حر في نكه يسمي النفس ويخفيها

[نجم الإبداع]

بنينا قبل مع بعض الاسامي بيت من طابوق = وقبل انشد سقف البيت راح المختفي فيها
سنه ياصاحبي وانا ورى طيف يجي غرنوق = واثاره من اعز الناس واثرى جدب اراضيها
غريب احساس يمي صار قلبي دوم له مسروق = يجاملني ويمدح وان بغيت الروح يرهيها
واثاره صاحبي صالح بنجديه وانا محنوق = وعقب العام دز ارسالته والعذر يرقيها

تراي داخل بس ما سلمت علشان ما قطع سالفتكم

واصلو وخلونا نستمتع

[نجم الإبداع]

هلا والله
اخوي الطيار
جيه عزيزه
وعليك بــــ شعر الفطاحل لانه مقلع اقلاعي

تحياتي لك

[سناعيس]

عذرا أخي فلاح على التأخير فلم أنتبه
ترى هاليومين الطاسه فعلا ضايعه

أنا ياما حصلي من عنا المبهم بذات السوق=أجي شراي ويشريني بكحلها واعميها
غدينا مثل من ينفخ صميل ممتلي بشقوق=وضعنا وضاعت الطاسه ولاصرنا نقديها
واذا كانك سنه وحده ترى لي مثلها وفوق=خديعة واحد يبغى يحوس الطين صافيها
ولكني تنبهت وتقل من نومتي افوق=ورجعت لعقلي الفطري وعفت النت وماضيها

[نجم الإبداع]

هلا يامضيع الطاسه تراني مثلكم مرهوق = نسامر همنا واما النفوس الله يشفيها
تكدر خاطري ياصاحبي عيا الخفوق يروق = اشوف جروح في قلب الزمان ومن يداويها
عقب سيرة محمد واذكر ابو بكر والفاروق = وعثمان وعلي واليوم من يحصر بلاويها
تغير وقتنا صارت بطولتنا مع مرزوق = ولا ننكر على الي زاغ لبه في هقاويها