الصاحب اللي يزيل همومنا شوفه

[الطامي]

الصاحب اللي يزيل همومنا شوفه = هو يحسبني اطنش له ولا احاتي
العين من شوف غيره دوم مطروفه = من حبها صرت اضيع كل خِطواتي
والنفس من حب خلي دوم مكلوفه = واهموم حبه علي اضماد واشفاتي
حبٍ قديم ووجديد وحب تخروفه = واجنون وافنون حبٍ فوق رغباتي
ماهو بتمثيل لاوالله ولا ابروفه = وان كان تمثيل جعل اضعوننا اشتاتي
حيرني بسيرته وان كانها اظروفه = مسموح من كل قلبي دامه امناتي
ياعين حر عشاه بصيدة اكفوفه = من كف سلمان ايهد بكل الاوقاتي
وياعود موزٍهبوب النود ماتلوفه = ولا تلوفه سمايم قيضنا العاتي
امجمله ماذكر في وقتها حوفه = عقلٍ وثقل ومزايا خُلق واسماتي
لوالعوض ينلقى بحلياه واوصوفه = درنا العوض فيه لو الزين مشهاتي
ان طاب لي طبت له واشوف معروفه = وان كان ماطاب عزاله وعزاتي

[عبدالله الشويمان]

صح السانك وعلا شأنك اخوي منصور

ابيات كايفه وجزله وماهي غريبه عليك يا الجزل..

الله يطيب فالك في صاحبك ويطيب فال صاحبك فيك..

دمت بخير وصحه وسلامه

[الطامي]

الشويمان
صح بدنك يالغالي
لله درك
دائما سباق للعلوم الغانمه
شكرا لك ولمرورك وتعليقك الطيب
ولاهنت عيني

[منيع]

ابيات رائعة
بارك الله فيك
تحياتي

[داعي الشوق]

صح لسانك يالطامي

التميز عنوانك دائما ما شالله عليك

والف صح لسانك مع التحية لك ،،،

[مبارك أبوظهير]

الطامي



صح لسانك وقواك الله




لاهنت لاهنت



تحياتي وغلااااااااااااااااي




م ن

[الخنساء]

صح لسانك اخي الشاعر الطامي
لاهان را سك قصيدة رائعه
سلمت وسلم شعرك
دمت بخير

[حي الضمير]

رااااائع واطربتنا شاعرنا الطامي
والحقيقه ابدعت كعادتك بتلك القصيده العذبه
والف صح لسااااانك يامميز

[الطامي]

منيع
صح بدنك يالغالي
شكرا لك ولمرورك وتعليقك الطيب
ولاهنت عيني

[الطامي]

داعي الشوق
صح بدنك يالغالي
شكرا لك ولمرورك وتعليقك الطيب
ولاهنت عيني