الجديد بعد العيد ؟؟؟؟؟ مع المري

[الطامي]

مايوجع القلب وايزيد التعماسي = ياكون غلطة رفيقٍ مايغايبنا
والله يالاونها من ساير الناسي = ماكان هاذي اطبوعي مع صحايبنا
لاكني اكنها واضغط على انفاسي = وما قيل فينا ترى ماهو بصايبنا
ارفى غلط صاحبي ماني بمحتاسي = مادمت شاريه ماقوله بعايبنا
وان جات منه تلاداد وبها انجاسي = اقول ذي حسنة تمحو مصايبنا
ياكم رجيته مثل ابو ادباس لادباسي =حيثه عزيز علينا ومن اطايبنا
ماودي اجرح شعوره لو غدى قاسي = لعل يرجع حيث انه من حبايبنا
وان حده الضيم والانذال نكاسي = فانا على هقوته لو كان سايبنا
وانا ذخيرته لافتو به الناسي = كلن تبرا ونادى وين شايبنا
يبشر بعزٍ وعلمٍ من تحت راسي = وعدوه ايهاب منه حيث هايبنا

[ام العمده]

الشاعر القدير/الطامي
صح لسانك واعتلى شانك
لاهان راسك
رائعه من روائعك
نثرت الدرر بين سطورك
دمت بهذا الشموخ والابداع

تحياتي وتقديري

[الطامي]

ام العمده
صح بدنك اختي
دائما سباقه
وشكرا لمرورك المعطر
ولاهنتي عيني

[داعي الشوق]

صح لسانك يا بو محمد

قصيدة جميلة

لو بها بعض العتب منك على زميل لك ،

( فلا خير في زميل لي لم يصارحني بعيوبي )

ما قصرت يا بو محمد نقاء النفس هو الاساس ،

رسالة جميلة

صح لسانك

لا هنت ،

[الطامي]

داعي
صح بدنك اخي
بلاك ماتدري ويش العلوم
الله يوفقك ويصلح احوالك دائما
عموما ؟؟؟ شكرا لك ولمرورك الطيب
ولاهنت عين ي

[ابوعبدالرحمن القريشي]

اخوي ابو محمد

قصيدتك تبين معدنك الأصيل ولو قسى الوقت عليك
قصيدة يحتذى بها اخوي منصور

دمت بود

[الخنساء]

صح لسانك اخى الشاعر الطامى

لاهان راسك قصيدة رائعة

وكل عام وانت بخير

سلمت ودمت بخير

[الـزلـزال]

والله يالاونها من سايـر الناسـي=ماكان هاذي اطبوعي مع صحايبنـا
لاكني اكنها واضغط على انفاسـي=وما قيل فينا ترى ماهـو بصايبنـا
ارفى غلط صاحبي ماني بمحتاسـي=مادمـت شاريـه ماقولـه بعايبنـا

الطامي

من هذة الأبيات يتضح معدنك الطيب

وهذا فعل الكرام ياأبن الكرام

صح لسانك ملايين ملايين

لك مني أرق تحيه

[سعيد الصاعدي]

الاخ الفاضل / الطامي
صح لسانك لاهنت
وبيض الله وجهك على هذا النص الراقي
اصيل يالمري
تحياتي
أخـــــــــوك
س / ص

[عذب القوافي]

الطامي

صح بدنك

سررت بمروري على هذه الفاتنه

مودتي,,,,,,,