بعلبك (2)

[ناصر عبيد الهواوي]

الحمد لله رب الكون ذي العرش العظيم الجليل=نساله العفوا وانت برحمته ياشيخنا يكتبك
سلام يالصاحب اللي جاور الكعنه سلام طويل=لو تمغطه خط من مكه شمال يوصلك بعلبك
يا الشاعر اللي كلامك جزل والمعنى رصين وجميل=ما اطيبك يوم اعتزلت الشعر لك شهرين الا ما اطيبك
مركبك صكت به الامواج يمة حرب والا هذيل=وهقيت انا القوم طمعوا بك وبالغيبه خذوا مركبك
واخذت لي شهر احد الشلف واشري كل سيف صقيل=ونويت انا الغزوا هالشتوه ابا اطلب مركبك واطلبك
جيت تربه والبقوم بحفل واسمع لي هدير وصهيل=وعرفت انا هالحصان من الصهيل وكل سلك اشتبك
في بحرنا ما رغبت الغوص كنه ما ظهر لك حصيل=او زامر الحي لو ينفخ بمزماره سنه ما اطربك
محار خليجنا مليان لؤلؤ لو تشوفه قليل=وقاع المحيطات لو يكثر به المحار لا يعجبك
إضحك الى عض ناب الدهر خير من البكاء والعويل=وسباحتك عاكس التيار ما تاصل وهو يتعبك
بدت وصفق لها الجمهور والقمري غداله هديل=من الطرب مير اظنك يالقطامي فدت من منصبك
اقول انا كل ما اقوله ولا عندي شهود ودليل=لكن مجرب وخذ راي المجرب واجعله مطلبك
وصلاة ربي على الهادي عدد ما اقفى نهار بليل=واعداد رمل بهالمعصير ذا اللي في سماه انسبك

[سناعيس]

ناصر الهواوي
صح لسانك وبيض الله وجهك
جزله من شاعر جزل
حتى ولو كان المعنى بقلب الشاعر
لاهنت

تحياتي

[الصريح العتيبي]

الاخ العزيز الاستاذ الشاعر/ناصر عبيد الهواوي


صح لسانك واعتلى شانك

وابشر بالرد اللي تعده الرجال للرجال

دمت بخير حال

[حوريه]

الهواووووووي
صح لسااانك وعتلا شااانك
جزله من شاعر جزل
دمت بخير

[ام العمده]

ناصر الهواوي

صح لسانك واعتلى شانك
لاهان راسك
جزله من شاعر جزل
دمت بهذا الابداع والشموخ

تحياتي وتقديري

[ابوعبدالرحمن القريشي]

صح لسااانك ايها الشاعر المبدع

جزلة من شاعر فحل

دمت بود

[الـزلـزال]

محـار خليجنـا مليـان لؤلـؤ لـو تشوفـه قليـل=وقاع المحيطات لو يكثـر بـه المحـار لا يعجبـك

ناصر عبيد الهواوي


لله درك من شاعر متمكن وجزل

وصح لسانك وبيض الله وجهك


تقبل فائق تحياتي

[مبروك بن ماضي]

الاخ الفاضل الشاعر / ناصر عبيد الهواوي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[الخنساء]

صح لسانك اخى الشاعر\ناصر

لاهان راسك قصيدة رائعة

سلمت وسلم شعرك

دمت بخير

[ناصر عبيد الهواوي]

شكرا لمن تابع وقرٌض قصيدي=للســيدات وللـــزحــــول الاواليــــد
ثنا علـــى مـــر اللــــيالي يزيد=يملا الفـــضا والبــحر والمدن والبـيد
عاجل مع اسرع طائرات البريد =سـلام احلــى مـــن نبا خــرد غيــد
واثني تحـــياتي واكـــرر وازيد= من شان من هو شاب مدحه بتهديد
عمره على الطاعه لعله مديد =حتى يــــزيد من المـــلاحات وازيــــد