حـسبـي عليـكـم عــواذل لا تـزيــدوونـي

[داعي الشوق]

حلفت ما اسمع لكم لو طالت الايام = حسبي عليكم عواذل لا تزيدوني
خلوني اعيش عمري و ارسم الاحلام = أحلام حبي وحبه لا تلوموني
كم عاشقٍ من سببكم في جدال و خصام = ياما ظنينٍ سببكم باع مظنوني
الكم مع العاشقين اسلوب نقل الكلام = منكم ترا بالهوى كم شابت عيوني
شرع الهوى يا عواذل ماشي في نظام = ولا يعكـّره كود اللي يعذلوني
في عالم الحب محدٍ بالهوى ينلام = الكل مغرم بنار الحب مفتوني
راع الهوى في حياته له منال ومرام = حبيبه اللي بحبه صار مجنوني
وانا و حبيبي غمرنا حبنا و الغرام = و الله من عذلنا ما تستطيعوني
بيني و بينه عهودٍ عاليات المقام = عهدٍ مع الزين ما اخونه ولا يخوني
حبيبي اللي ملكني كاملٍ بالتمام = فيه الحلا ضافي و مجمول و مزيوني
أهيم في حبه و متبادلين الهيام = قلبي و قلبه ولايف كان توحوني

[عبدالكريم العياش]

الاخ الشاعرداعي الشوق
صح بدنك ورفع الله شانك
تقبل تحياتي

[ترانيم المطر]

داعي الشوق

لاهنت

جزله من راس جزل

تقبل تحيتي وتقدير

[سعود المحجان]

صح الله السانك نص في قمة الروعه


شكرا لك على كذا نص رااااااااقي


تحياتي لك

[داعي الشوق]

لقد تم نقلها الى هنا

ارجو تأجيل انزالها في الهمس ،

شاكر لكم

،،،،،،،،،،،،،،،،

[الطائر المهاجر]

حسبي عليكم عواذل لاتزيدوني= حلفت ما اسمع لكم لو طالت ايامي

اقتراح