لاصرت ماتعشق ولاداخلك ذات

[منيع]

من الجديد امل ان تحوز على رضاكم والله يرعاكم
تحياتي

تعال ابهمس لك مع الليل كلمات=يبقى صداها للقلوب الولايف
لاصرت ماتعشق ولاداخلك ذات=ماني على مثلك كثير الحسايف
البارحة ساهرت نجم المجرات=وبراق فكري صار بالحيل نايف
وصلت سدرة منتهاي بمتاهات=وناجيت قلب ضاق مر الكلايف
مره اهونها ومره بزفرات=هذا انا والحال غادي كسايف
ياليتها تصدق معاي المسرات=واصيرمثل الغيررايق وكايف
ميرالبلا ماهي بسرد الحكايات=حبل التمني مايحقق طرايف

وسلامتكم

[الخنساء]

ياليتها تصدق معـاي المسـرات
واصيرمثل الغيررايـق وكايـف
ميرالبلا ماهي بسـرد الحكايـات
حبل التمنـي مايحقـق طرايـف






صح لسانك مليون ولايكفون

قصيدة جزلة من شاعر جزل

وسرنى اكون اول المارين

سلمت ودام طرحك

[صعبة المنال]

ميرالبلا ماهي بسـرد الحكايـات
حبل التمنـي مايحقـق طرايـف

الله الله يا منيع

روووعة

صح لسانك وحرفك

صعوووووووب

[سعيد الصاعدي]

الاخ الفاضل / منيع

لاصرت ماتعشق ولاداخلـك ذات...ماني على مثلك كثير الحسايـف

صح لسانك لاهنت

نص شعري رائع جداااا

من شاعر متمكن

تسلم ويسلم فكرك يالغالي

تحياتي

أخــــــوك

س / ص

[عذب القوافي]

مبدع في كل حضور أستاذ منيع نص عالي شاعر جزل

لله درك يالغالي

وصح لسانك مايون

مودتي ,,,,,,

[الـزلـزال]

ياليتها تصدق معـاي المسـرات=واصيرمثل الغيررايـق وكايـف

منيع
بوح متقن ومميز وعذب
من شاعر تعودنا منه تقديم كل مايليق
أبدعت غالينا في هذا البوح وأمتعت
رعاك الله
صح لسانك ملايين ملايين

منيع والله لو تجيك المسرات = ماظن قلبك رايق الحب كايف

لك فائق تحياتي وتقديري

[حي الضمير]

صح لسانك يامميز
قصيده رائعه وابدعت بارك الله فيك
أجزل التحايا والاحترام

[عبدالعزيز البليهد]

ربي يسعدك ويحقق ماتمنيت

صح لسانك وطاب فالك

الله لايهينك

[مشعل السلمان]

الله الله عليك
نص جميل ورائع
صح لسانك وكلك يابعدي
لاهنت على امتاعنا
فائق الود والتقدير

[الطامي]

منيع
صح السانك ملايين
جزلة وطيبة جدا
لاهنت اتخي