ســلام تـسـلـيـمـةِِ مـن شاعـر ما يـبـور

[مهدي الحبابي]

قصرك مـكانـه مـشيـد فـيـه عـشريـن دور = واظــنـهـا اكـثـر من اللي قـلت بأرقـومـهـا

ما جـا قصـورِِ عــساك اتـدوم بـأيـة أمـور = راحـت شـرق غـرب بس نـجـدد وســومـهـا
.....................

[مهدي الحبابي]

مهدي الحبابي

سلام تسليمةِِ من شاعر مـا يبـور
لاهل الوفاء والرجال تقوم بسلومهـا

حبيت اشارك معاكم بالفرح والسرور
واعطي الرجال العلوم وباخذ اعلومها


الطائر المهاجر

يا مرحبا بك عداد الورد واغلى الزهور
منك الشهامه تعلـم جاهـل رسومهـا

مادام طبيت فارفـق وانتظـر للبخـور
عطـر الفطاحل قـدومك وانت قيدومهـا


مهدي الحبابي


دام البقاء يا المرحب وانت وافي الشبور
حـي الله قايـد مسيرتنـا و زيزومهـا

انا حضرت ولقيت المنتدى يشـع نـور
ونور الفطاحل يعرف الناس وعزومهـا



الطائر المهاجر


كل الفطاحل رجال ولا بهم من قصـور
والحر يلفي على الاحرار مـن يومهـا
وعلم وصلني ترى مهدي عميق البحور
ونا بحوري ضحـال وجاهـل عومهـا


مهدي الحبابي

كل الفـطـاحـل لنا عـزوه وانـت مـخبـور
والـكـفـو مـثـلـــك هـو الـحـاكــم لمـحـكـومهـا

والعـلـم عــندي وعــنـدك والليـالي تـدور
ومـن يـعـرف اصدورهـا ما يجهـل اقــدومـهـا

الطاير المهاجر

دوري مثل من بنى له بيت وسط القصور
وقال ارحبوا والرجال بطيّـب وسومهـا
اتموا اللي نقص بالفعل حتـى الجسـور
راحت شمال وجنـوب وبانـت حلومهـا

مهدي الحبابي
قصرك مـكانـه مـشيـد فـيـه عـشريـن دور
واظــنـهـا اكـثـر من اللي قـلت بأرقـومـهـا

ما جـا قصـورِِ عــساك اتـدوم بـأيـة أمـور
راحـت شـرق غـرب بس نـجـدد وســومـهـا

[مهدي الحبابي]

أختي وعد العبدالله

هـــــلا وغـــلا

شـرفـنا مرورك ورايك

لك فااائق احترامي وتقديري

[الطائر المهاجر]

للبيت اركان وانتم ركنه اللي صبور = من دونكم فالفطاحل تنعي تخومها
انتم نسور الفطاحل وانتم اغلا صقور= بافعالكم فالفطاحل تعلن قدومها

[مهدي الحبابي]

يا شيخ تـبـشر بعـزك من جـميـع النمور
انا وهـم معـك والغـبـات بالنـعـومـهـا
نـيـابة اقـولهـا عنـهـم ما في القـول زور
اسرة فـطـاحـل علوم العـلياء اتـرومـهـا

[مهدي الحبابي]

أخوي المشرف العام الطاير المهاجر الدكتور عثمان العبدالله

سـلمــت ودمـــت والله يبـقيــك ويـطول عمرك على الترحيب

بيض الله وجهـك وجمل الله حالك

كان لي شرف العب معك

الخاتمه عندك طال عمرك

لك فاااااائق احترامي وتقديري

[الطائر المهاجر]

انا متأكد بأنه يوم فوق النسور = مادام انتم كتبتوا زين مرسومها
ومادام فيه التساوي دون ظلم وجور= والكل اخوه حبايب تعلي نجومها

[الطائر المهاجر]

كل الشكر والتقدير لأخي مهدي
الذي منحني الفرصة للعب معه رغم قلة خبرتي
لاهنت يالغالي
والشكر ايضا لكل من تابع
مع أطيب تحياتي
تصبحون على خير

[الخنساء]

صح لسانك الطائر المهاجر
وصح لسانك اخي الشاعر مهدي
محاورة رااائعه من شعراء
متميزين لاهنتوا
تحياتي