سجل حضورك ببيتين شعر (شقر)

[ماجد الزيد]

ومن يقدر يشوم عن الوضيحي=هذاك الي نقص منه عقيله
اجل ماسمعت في بصري الوضيحي=ببيت الله طخف شفّة عقيله

[الطائر المهاجر]

زمان البوم والحصني زمان الذيب خاف الشاه= يبي الحجاج يرجع له ولا ينشد عن المعتز
زمن بوش ومجوس الأرض جونا من بعد ذا الشاه = غدينا فيه في احضاض الردى ما بيننا المعتز

[داعي الشوق]

يا ناس أنا عندي مثال أبا قوله وأتعنز * * على الذي لهم صولات فالشعر و جولاتي

آبأشترك وبأشتبك ولا أشجبك وأتعنز * * أنا في بحر الفطاحل تلميذ ورايد جولاتي

[الطائر المهاجر]

تعنز ما تبي وادخل وشابك مشجبك بالعود = ترى الميدان مفتوحٍ ولا يحتاج له مفتاح
ولكن حاذر دروبك ترى مشروكة بالعود = مثل لغم بوسط البر من أيام ابن مفتاح

[داعي الشوق]

العود لا جاء بالخلا هاب الذيابه تشوفه ** ما غير ترعد يدينه على عصاه يتعكز

إن لقيته أبأفزعله لو الذيابه تشوفه ** وأشيل العود وأزمه على كتوفي وأتعكز

[الطائر المهاجر]

لاتخاف العود مثل الذيب لو نامت عيونه = لو يهرول عارف مقصده لو تسبق عصاه
ولو عطش يدري بضلع تنبع براسه عيونه= ويضرب البحر بعصاه مثل موسى ما عصاه

[داعي الشوق]

ياليت من يقدر على دروب الهوى يالمهاجر ** يوم القدر رمى في قلبي هوى الحب والعشاق

تركني غاية إمرادي تركني حاير وهاجر ** ويش العمل ويش السوات اللي تراضي العشاق

[الطائر المهاجر]

الحب بلوى وخاسر من طرق بحر الهوا = والزين طعمٍ فحاذر لايصيدك بلاش
كم واحد من سببهن فوق راسه هوى = ولاشفت باب الطمع فسده بقولة بلاش

[داعي الشوق]

لو الدواء لهل الهوى يباع بسـوق الحــراج ** إشتريته لو الثمن يفـــوق أثمان الجمال

راحت حياتي خساره والسبب ذاك الإحــراج ** ياناس مضنون عيني الله عطاه الجمال

[الطائر المهاجر]

الظاهر انك شباب ولا عرفته حريم لا = فاسمع نصيحه لهرش ماهيب من حاشي
سند بدرب القصيم واليا وصلت حريملا = فانحر طويق تلاقي الريم منحاشي