(( استراحــــة الشعــــــــار ))

[الطائر المهاجر]

هذا الزمن لادار يعمل عمايله= ومن لاواكبه لاشك ياخوك خسران
لا.. وانتظر فالنفط تنشف مسايله=عما قريب ويصبح الكل بلشان

[محمد المغيلث]

نور وجهك كنه البدر المنير=يابعد حيي وكلي ياقمر
لانظرتك ينقلب جوي لغير=لو انا بالقيظ شاهدت المطر

[عذب القوافي]

	راع الردى مسكين خلّه يوليّ=من خان يظهرواحد ٍ له يخونه وإبن الفقرقدعاش من دون زليّ=عيشه كريمه واجد اللي يبونه وإبن الغني لوكان دوم متعليّ=بين العرب ماشاف غيرالمهونه دنيا ًشقاها يعلم الله يمليّ=وياكم عزيز ٍ خيّبت له ظنونه

تقديري للجميع ,,,,,

[عبدالله راشد الثويني]

الحال ... يلي قلت لي كيف حالي !=ياخوك حالـي ماهقيتـه يسـرك
هزتني الحمٌى ... وزادت هبالـي=الحـال ياخلـي عسـى مايمـرك

[عذب القوافي]

كفى يافلان تجريح الخواطرلاتزيد الكيل=علامك تسند ضروف ٍ تصارعني مع الأيام
ثلاث سنين من عمري وعيني ماأهتنت بالليل=تساهرموقف ٍ صايرماغير إنّه تقول أحلام
أقول النفس لاأنظغت تراها تنفجربالحيل=وتحدث جرح مايبرى ياكود ألا بعد أعوام

تقديري للجميع ,,,,,,

ماني على خبرك تغيرت بالحيل=كل شي في عيني تغير مكانه
الشمس لو تشرق بدا كنه الليل=وسنا شعور الشمس فاقد حنانه
بعض الرجال أزوال مثل التماثيل=لا هزه الموقف تكسر كيانه
مالي بهم لو هم على صهوة الخيل=ما ينفع الخواف سرعة حصانه

[عذب القوافي]

هاك الهوى ماأبيه باعيش مرتاح=مالي على درب النكدوالغرابيل
كم ليلة ٍ سهران والناس بأفراح=أتذكرك والموت في وصلي بخيل

لاهيات قلوب اعز الناس عنا =حنا ليت عيوننا اللي لاهيات
لا لمحته فز قلبي ثم غنى=انت يالي شوفك احلى الاغنيات
وانت يالمع البروق اليا تسنى= شوفك الي لم قلبي من شتات
وانت ياوردً على الورد يتجنا = كل ورده من عقب شوفك حصاة

ماجد العديلي

[عذب القوافي]

تكالبت أهل النفوس الضليلة=على رجال ٍتحمي العرض وتغار
على الأسود اللي حموا للفضيلة=ناس ٍتحفظ الدار عن كل بوّار
والحقد مربوط ٍ مع أهل الرذيلة=مابين بيّاع ٍ ومجرم وغدّار
وراع الردى ياناس واعزتي له=لوينفلت له يوم تطويه الأقدار

تقديري ,,,,,,

[محمد المغيلث]

راسي يعورني اليا اوحيت طاريه=والنوم يذهب عن عيوني وراسي
حسبي عليه املوع القلب مهريه=من كثر حبي له غدا بي اعماسي