أبوأنس/الشرقي .. والقوافي المشبوهة !!

[ابو أنس]

لك يامنيع من الوفا صنف وصنوف=ولك التحيه كل صبح وشروقه
عزيز وان وافيتنا باجمل حروف=نصوغ لك حرف(ن) لذيذه طروقه
واكيد لك قلب(ن) خذه زاهي وصوف=اللي ظهر في ملبسه زود ذوقه
سحره على قلب العشاشيق محذوف=طعمه عسل لو آخره فيه عوقه
والرجل لاشاف الغنج جاه شاعوف=يعصف بقلبه ويتركّز بموقه
سنّه وطبع(ن)في الرجل دوم مشغوف=عشق الجمال مطوع(ن) له يسوقه

[نجم الإبداع]

يابو انس حبك بقلبي كما الفرظ= ياصاح مايحتاج مفتي ووعاظ
اخوان بالاسلام ماطيع مغرظ= سنة نقيه مابها زيف واغراظ
لكن قلبي دايمٍ عاثر الحظ= والجرح في نفسي معرض للانقاظ
احب ال البيت مارضى لهم قظ= والي يعاديهم من الناس جواظ
ياخوي مافي بالي الا تبعظ = احب جزل الشعر لو مابه امراظ
الي يحلل كل كلمه بمقرظ = يجافي الخلان ويصير مغتاظ
اقسم برب البيت ماقلتها رظ= ولا قصدت الي على صاحبي هاظ
اخاف من رب السماوات والارض= والقلب لاهل الود ياخوي حفاظ

[ابو أنس]

لك يافلاح بداخلك قلب(ن) ابيض=ما هو مريض ولاشكا جملة اعراض
شفاف اعرفك تعشق الشعر والقرض=وتعشق صعيبات القوافي الى هاض
واللي حداني يوم انا اسألك وافرض=ظن(ن) بعيد وقلت اقدم بالافراض
حتى اسألِك من غير ما اوضح العرض=واهارجك من غير نبشن للأنقاض
ان كان صدرك ضايقن من جفا البعض=او في لسان زل في حقكم خاض
بغيت اقول ان الشّعر قربه تخض=منها لذيذ الطعم وايضا بها احماض

[الذيب]

ما اشاء الله عليكم الحين مستمرين

[ابو أنس]

المشاركة الأصلية كتبت بواسطة الذيب

ما اشاء الله عليكم الحين مستمرين

نعم يالذيب
بتواجدكم وذائقتكم وحسن سمتكم نتغذى ونتطلع للمزيد
فمثلكم كنز يحرص الواحد على اقتنائه والإحتفاظ به
لك أيها الفاضل تحيتي وفيض شكري

[الشريف الشرّقي]

خذلتني القريحة يا أبا أنس.. في رأسي مليون فكرة وفكرة سوف القي بها في البحر ثم اعود !!
الحبيب فلاح ابن منشار .. هناك لبس ولاشك / يشهد ربي اني احبك فيه .
الكريم منيع ... لا فض فوك يا أخي واعلم - غفر الله لك - ان ابياتكم وقعت في القلب قبل الاذن .
وللجميع من الازهار اعطرها

[الشريف الشرّقي]

لو شفتها يمكن يجي القلب شاعوف ***يطير طيرة من كفـخ فـي سبوقـه

يقول من لفه مع الوقت لافوف = لين انتثر دمه وزادت فتوقه
ياصاحبي والناس حايف ومحيوف = لولا الرعد ماكان تلمع بروقه
اقسم برب البيت ياعندي ظروف = ولا ترى نفسي عليكم شفوقه
وأنا معاكم ياسعد قلب وحروف = ولوفاتني المكبوس بشرب مروقه
المشكلة .. طيري له ايام منتوف = بصبر الين الله يكسي سبوقه
طيرٍ من النزرات والخشم معكوف = يجزع إليامنه كفخ طير فوقه
ولا شلت عنه برقعه صار ملقوف = لكن طلبتك يا بحر لاتبوقه!!

[ابو أنس]

ياعل قلبك سالمن من عنا الوقت=وياعلّها لك يابن الاجواد خضرا
ويا عل طيرك كلما حام يِنْكَتْ=على الطريده والمخاليب حمرا
وعسى صواديف الدهر عنك تِنْحَتْ=والله يجيرك عن مصايبك اجرا
ياصاحبي لك وحشة كلما غبت=وانا اترتقب جيتك واتحرا
ان كان مابك لسعة البرد والكبت=تلقى لها عند المداوين خُبرا
لكن خوفي ياابيض الوجه وان كنت=صويب عين اللي يقولون عذرا
السهم صابك وانت رحت وتهاونت=لينه حفر في القلب تسعين حفرا
وانا اتعجب كلما شفت لي بنت=واسبح الرحمن واعد عشرا
وشلون ذا الأضدادفي عيونها شفت=قوه وضعف وقل صحاري وبحرا
لو كنت انا الربان وابحر بها تهت=شلّت عضودي والمجاديف كسرا

[الشريف الشرّقي]

الاولة يامرحبا بك ولاهنت = يامرحبا ياشيخ ساجر وشقرا
والثانية يفداك شرابة الكنت = يفداك لاشٍ يشرب الكاس صفرا
والثالثة ياللي تقول أنت وين أنت = أنا هنيا بس الاقدار قشرا
والرابعة جروا صديقك على سمنت = غصون قلبي جرها السيل جرا
والخامسة لو شفت ياخوي ماشفت = مبيسمٍ عن كل شينٍ مبرا
والسادسة والله والله يابنت = انك بوسط القلب منتيب برا
والسابعة عن ساير البيض هونت = إلا الذي له في الحنايا مقرا

[الشريف الشرّقي]

بيدي لا بيد سعد ‍‍‍..

في الطريق اللي يسمونه "سريع" = حس موتر ، مر جنبي ، قال : وزززز
قلت : هذا معجله شيٍ فضيع ! = مير زتك - ياصديقي - روح ، دز
خايفٍ عن عين أبو عبيّد يضيع = واللقافة حدها والقلب فز
يوم قربنا وإلا شيٍ مُريع = عنقها ياعنقها والطول عز
راكبة في الخلف والسايق مطيع = ياعيونه من ورا الجامات خز
كنها ريمٍ تنحى عن قطيع = كنها غصنٍ مع المطناج هز
قلت : وقفهم ترى حالي شنيع = شب في قلبي - عليه الله - قز
قال : يامجنون مدري ياصريع = شوف دورية تغز النور غز
فوقها ضابط يسمونه قريع = منت خايف ياصديقي ؟‍! قلت : طز !!