المساجلة الفكاهيه والتحدي بين الشعراء

[الطائر المهاجر]

المطلوب : وق
وراكم تلخبطتوا ... هذي مساجلة يالربع ... عرفك فيك النوم هذا وقت القيلولة يالشايب
وقعة العازب الى جـاه غَـرّه= تحسحس الخافق على ذوق حـرّه
حسّاس من عقب الفتـن لاتجـره=لو شفت قلبه عم بالحوس والحوق

وقاك ربك من عذاب تحره =لامن اسرك الحب بالغنج والذوق
تطير فرحه لو وصلت المجره = تعود على خشمك وتلقاه مدقوق

[نسناس الهوى]

ههههههههههههه طيب شف يابو عبدالله وش حجتي ..

يالي علينا من جمالك تغليت = الله يخلي قوم هيلا سلاسي
خذ لك سميراء تخدمك لو ترديت = خل الذي يقلون لاطحت خاسي

هذي ابيات فلاح .. رديت عليه انت بـ
سليم رأي اللي اخذ ... ،، " س "

عاد انا قلت اتذيهن لو فيني نوم ، يمكن يبون يقلبونها مرادات (:

.. لي عوده استاذي ..

[سناعيس]

تراي أنا طبيت فعلا
العتب على النظر كفشتنا هالمره

وقفت على ذيك المنازل من أول=وهلت دموع العين أبكي زماني
ياصاحبي ماودك زمنا يتحول=ونرجع كما كنا ترى العمر فاني

[سناعيس]

وش رايكم نجمع مساجلة الأبيات الضاحكه مع الأبيات الفكاهيه
ترانا دلينا نلخبط فعلا بينهم
نسميها ( مساجلة تحدي القافيه في الأبيات الفكاهيه )

[الطائر المهاجر]

تم اللازم
وكقاعدة عامه اذا الأحرف الأخيره ليس هناك من كلمات لها او مستهلكة ، خذ الكلمة بكاملها

مانيب فطحول اذا ما تحدّيت = بنظم الفكاهة من صعيب القوافي
سهل القوافي منه يالربع مليت = ما شفت منها اللي على القلب شافي

[سناعيس]

لاهنت يامشرفنا

في دارنا تلقا الفطاحل على الدين=وتلقا لهم في كل الأنواع ابداع
فقلوبهم حب لبعضهم مع اللين=يشرون من يشري ويبيعون من باع

[الطائر المهاجر]

لله درك ما اجملها واقواها من بيتين ، لكن طلعنا عن الفكاهة فاختلطت بالجد!!

اعترف ا ني احب الزين من كل البقر = ولا اناظر غير وحده عينها طاسة مرق
لابدت تنظر تروع قلبتهن كالكور = وصرت انا مثل الدعيع ما ارد اللي مرق

[سناعيس]

رق مرقوقك وتريق مع مرق=وابعد المرقاق وزه وابعده
وادحر الشيطان وامسح للعرق=وانتبه للفول لاتقطع يده

[الطائر المهاجر]

دهم الجرابيع هاجت واشتكت للضب = وشلون حنا بليا شغل يشغلنا
وشقر الجرابيع والتمساح معهن طب = نخاف نصبح هنود حمر بارملنا

[نسناس الهوى]

ناب القطو له اشتكى واعلن يحارب خشته = شفت اللحم يمشي قبالك ما تأشر له تعال
اما انت خايف او تخايف او تعيجز تسكته = لكنّي ناوي به هجر لِي خشّت اذياب الجبال