الميدان ياحميدان

[الطائر المهاجر]

خلك وسيع الصدر حتى تجلا = الغيمة اللي برقها بانحداره
وخلك ثقيل كالجبل لا تعلا = النار تقبس من ضعيف الشراره
تركت رد عنه كنك تخلا = يومك تهيض خاطري بالاشاره

[سناعيس]

اما تفائل واسترح لاتبلا=والا انت مثل اللي يدور عياره
ياطير وشبه راح هو وين ولا=الا ان كان انه لقاله زباره
يرقب مردك ويجتهدله بحلا=ويصيح بأعلا صوت ياوي غاره

هههههههههههههههههههههههههههههه
والله انا مشغول يا جماعه الله كريم

[الطائر المهاجر]

يقول متفائل ترى وضعه Admin = في منتدى آخر ولاقال اسمه
عنده خبرة بالنت مع طيب معدن = اديب شعر ونثر في كل رسمه
لكن مع الإرهاق يمكن يعكنن = ولا يفرق بين جدٍ وبسمه

المشاركة الأصلية كتبت بواسطة المشرف العام

يقول متفائل ترى وضعه Admin = في منتدى آخر ولاقال اسمه
عنده خبرة بالنت مع طيب معدن = اديب شعر ونثر في كل رسمه
لكن مع الإرهاق يمكن يعكنن = ولا يفرق بين جدٍ وبسمه

فهمت علم النت وصرت اتفنن=رقيت اجباله وبغوص يمه
حنا عرب والغرب يحسبنا مجنن= صرنا جنودالدين لخير امه
بس القهر لاصار مشيك مقنن=والغرب من خاله يحميه عمه

[الطائر المهاجر]

عطنا علوم النت حتى نتمرن = وخل السياسه كل كافيه علمه
وش حيلة المربوط فيها وادمن= عطه النصيحه في علوم تهمه

ابد البدايه صح تسلم وتسمن=وختراصحاب لك تشورك بذمه
ورفع اسوارالبيت عن كل مفتن=وحذرمن الي يحط راسه بكمه

[سناعيس]

انا جهازي من امس طبعه معفن=لامن كتبت البيت هنق ولمه
عجزت اجاريكم علي يتمنن=يقول ابحرق للسناعيس دمه
ياطير موقعنا لك الله جنن =كل الجماعه مردي(ن) كل همه
ان كان متفائل من الحل مكن=حق(ن) عليه وواجبه مايطمه

[الطائر المهاجر]

مدري وش المقصود فالقاف بل "ان" = واللحن واحد فالنهايه وقدمه
وان كان تقصد بيتنا اللي يجنن = اصحابنا شرواك ذمه وحكمه
ورادارنا شغال ايسر وايمن = يكشف لك الخافي ولو تحت عمه

فالباك اند مشكلتك تكمن=شل المكان وصاريثقل دمه
اسئل مجرب كان ودك تئمن=تلقى كلامي صح وين المطمه