عيب ٍ عليك .....!

[أم ريما]

وأسـفّ دمـع ٍ مـن علـى الخـد سـفـاّ

يــذرف كـمـا وبــل ٍ تـحـدّر مـزونــه

لا البـال مرتـاح ٍ ولا الـطـرف يغـفـا

أسـهـر وغـيـري ليلـهـم ،، يـرقـدونـه

إن كــان تشـكـي صاحـبـك يــوم قـفــاّ

فأنـا عشيـري ، ذقـت ، منـه المهونـه

عيـب ٍ عليـك إن قلـت ياخـوك تكـفـا

لوكـان تقضـي العمـر حـسـرة بـدونـه

صح لسانك

ولاهنت

[حي الضمير]

المشاركة الأصلية كتبت بواسطة محمد بن عمار

السلام عليكم ...

ومهلهل ٍ على حجاجه يحفـاّ = وإلا إلتحظ عجل ٍ يغطي جفونه

صديق إشتكى بعاد الحبيبة ،
وقد خرجت من بلواه ، بما هو أدناه ،
مع هذه المشاركة المتواضعة ،،،

عيب ٍعليك .....!

حيّ الجواب اللي لفانا ،، ووفـاّ = بزين المعاني ، كاملات ٍ فنونه
في طيّة القرطاس موزون بالفـاّ = من صاحب ٍ يشكي علينا حزونه
ساعة قريته سايح الريق جفـاّ = وخفق معه قلبي وهاضت شجونه
خفيق طار ٍ ، في يد اللي يدفـاّ = وإلا ّ حديد ٍ حامي ٍ ،، يطرقونه
وكن الحشا مركوز به راس شلفا = تلهد بوسط الجوف خافي طعونه
وأسـفّ دمع ٍ من على الخد سفـاّ = يذرف كما وبل ٍ تحدّر مزونه
لا البال مرتاح ٍ ولا الطرف يغفـا = أسهر وغيري ليلهم ،، يرقدونه
إن كان تشكي صاحبك يوم قفـاّ = فأنا عشيري ، ذقت ، منه المهونه
عيب ٍ عليك إن قلت ياخوك تكفـا = لوكان تقضي العمر حسرة بدونه
أنا حضرت الزين يومه يزفـاّ = قدام ،، عيني ، شفتهم ، يدخلونه
زفـوّه غصب ٍ عنه ماهو بشفـاّ = وأخفيت دمعي ، خايف ٍ يلحظونه
وأصبحت مثل اللي وحيد ٍ بمنفـا = حالي برت بري الورق من غصونه
لا أقبل جهام الزول قمت آتحفـاّ = بإ قبالته ،، لا من تخطـّى بهونه
وأثني التحية ،، مشـّر ٍ له بكفـاّ = وتبادل الترحيب ، غمزة عيونه
وخصر ٍ يثنـىّ زايد الدم خفـاّ = غصن ٍ رطيب ٍ موشك ٍ يقطفونه
ومهلهل ٍ على حجاجه ، يحفـاّ = وإلى إلتحظ ، عجل ٍ يغطي جفونه
وسواد ليل ٍ من على الردف يضفـا = لا قام واقف كاسي ٍله متونه
له مسكن ٍ في وسط قلبي ، وملفـا = قصر ٍ رفيع وعاليات ٍ حصونه
وجدي على لاماه ، قبل أتوفـاّ = ومالي بغيره شف ّ لو يحضرونه
ويطيب لي شرب الزلال المصفـاّ = من مبسم ٍ يغري بضحكة سنونه
وقلب العنا لأجله ،، من البيض عفـاّ = ماله مراد ٍ لو ، هم ايخيرّونه
وأبعد عن دروب المحبة ، وكفـاّ = وأترك شقاها ، ، للذي ، يجهلونه
لعل جرحي من هوى البال يشفـا = وإن مت !! حقي منه لا تآخذونه

مودتي لتواصلكم الباذخ
وشموخكم الباسق ،

محمد بن عمار

ياسلام ابدعت
وقصيده تستحق العوده مجددا

[عبدالله الدخيل]

صح لساااانك

جميله ورائعه من شاعر جزل

لا هنت