الميدان ياحميدان

[الطائر المهاجر]

كلش غدا باكٍ وصعبٍ اخمن = وانت البخيص وكلمتك في متمه
حدد لي اكثر كود فيه اتمعن= وانبه الفني يجدد بفهمه

المشكله هاذي مابه تخمن=انكان يفهمله يلقى تتمه
وكانه ردي المعرفه لالايتفنن=خله بعيد عنك وشوره بفمه

[سناعيس]

هذه الليله ودنا تكون مفتوحه للجميع
ولكن ودنا نسهلها شوي يعني قافية الشطر الأول مثلا تكون على الألف والتاء المربوطه أو المفتوحه
مع مراعاة النسق بحيث يكون الحس المسيقي واحد كـ ( مجاراة ) و (قنوات )
أما قافية الشطر الثاني على حرفين أو ثلاثه كـ ( بلدنا ) و ( لغتنا )
ونحاول أن نستمر فيها وانت حر في أن تقول بيت أو بيتين أو ثلاثه لحين ايصال فكرتك
وليس لنا عذر فهي الآن سهله للجميع

تعال واترك عنك باقي القنوات=وطف الرسيفر عن ذنوب بلتنا
ان كان ودك يارفيقي مجاراة=ترى القريحه هايضه وابلشتنا
ولامن بنيت البيت خله محاكاة=وستاند باي وأنتظر في لغتنا

[الطائر المهاجر]

الهمزة الأخيرة لاتحسب، عند النقاد ، وبالتالي لابد تكون النهاية .. تن..ا

"استاند باي" اللي بها بعض هفوات = خل الإنقليزي مانبي دغملتنا
حنا العرب من علم الغرب صنعات = لغوة هلي بالفكر من علمتنا
والدش لامن صار يدي المهات = ناخذ خبر نفهم علوم خفتنا

[سناعيس]

اهلا هلا حييت ولا من كلافات=شرفتنا ياطير وهو من بختنا
من علم الجهال عقب الجهالات=يجزاه ربي خير وهي ماجهلتنا
لكن بغينا نستحث المهمات=يوم ان نسمات الشعر دغدغتنا

[الشريف الشرّقي]

طف التيوتا ودوك الجمس = ولياك تركب بصابونة
جديد ياصاحبي ما لِمس = مكتوب "زيرو" بطبلونه
وحي الفطاحل تحية همس = دام السناعيس من دونه

هذا الرد كُتب قبل مداخلة الأخ الكريم المشرف العام ... ويبدو ان هناك التزام بقافية معينة / قاتل الله العجلة / تحياتي لجميع

[الطائر المهاجر]

الشعر هالايام مليان آفات = وكل خذه سلعه ولا خارجتنا
ولوك تحاول ترفعه بعض خطوات= قالوا ترى قيفانك اللي ادوشتنا
يبون شعرٍ خادعٍ للبنيات = فيه السماجه والميوعه بلتنا

[سناعيس]

الغالي الشريف الشرقي حياك الله
ولو رجعت شوي شفت أننا بغيناها على القافيه أعلاه الين يقضي قازنا (ات) (تنا)

شرفتنا ياخوي من بعد غيبات=وزانت علومك والوناسه غطتنا
اللي تبيه يصير ولاهنا خلافات=اصبر علينا قافيتنا أجبرتنا
كمل معانا مابديناه ساعات=الين يقضي قازنا ونعرتنا

[الطائر المهاجر]

الظاهر إنه هج من غير هنات = ولا عرف باللي نبي في لغتنا
خله على فاله يجي دون حزات = ومنهو حضر يفهم على مساجلتنا
نرجع لموضوع الشعر والبنيات = ياسرع طيحتهن بقول اعجبتنا

[سناعيس]

الله من منهي تقود الجميلات=ولامنها ردت علينا أحرجتنا
في حكيها تلقا رماح وطعنات=وفي عينها لاسلهمت وسبعتنا
وياما بهالدنيا على شكل خفرات=لامن وريناها الغلط ماسمعتنا